「哈迪斯返來喇！」近年每到愚人節以哈迪斯回歸這消息「愚人」，似乎已成為指定動作，不少人信以為真興奮莫名，最終心碎收場。早前有擁躉更因此寫信到哈迪斯美國總公司，希望哈迪斯真正回歸香港。不經不覺，哈迪斯已離開香港10年。由1991年登陸香港，2006年結業。哈迪斯未有歸期，但原來現時仍不不少哈迪斯狂迷，包括當年的舊員工，他們不時在「哈迪斯員工群組」，分享舊日香港哈迪斯的收藏品。當中曾任哈迪斯首席設計師的David，收藏了數以千計的哈迪斯物件，相信是收藏最多香港哈迪斯物件的頭號粉絲，見證哈迪斯起落點點滴滴。
「因為好多宣傳用嘅印刷品都係自己設計嘅心血，所以一直都儲起佢留為紀念。」東網記者來到David的家，他將包裝妥當的一袋袋收藏品拆開，一大堆餐牌、廣告燈箱，甚至廣告、「過期多年」的優惠券堆滿David整個客廳，粗略估算有過千件，原來全都出自David經手為哈迪斯設計。從當年的餐牌所見，當日的下午茶餐只需12、3元，便有齊雞脾、薯圈及汽水，早餐更10元一客有找，認真抵食，難怪當年深受學生哥及外傭歡迎。
「雖然係首席，但其實得我一個人，所以到最後一有新Promotion（推廣）就會好唔得閒。」David於1997年加入哈迪斯，由設計師做起，2006年結業前已晉升至首席設計師，上至報章廣告、下至分店宣傳品，由度橋、設計到聯絡印刷一手包辦，David坦言雖然「一腳踢」辛苦，但由於很大的創作空間，所以一直做得十分開心，直至結業才離開。
「02年經濟唔好，咁啱要宣傳一種甜品，就諗咗一句『哈迪斯與你嘗盡冷暖』口號畀報紙廣告，話畀人知要一齊支持落去。」David說。不過香港捱得住，哈迪斯06年就捱不下去。對哈迪斯充滿感情，David因此也儲起了不少其他哈迪斯物品，制服、名牌，就連即棄汽水杯也保留至今。「其實當年執吓一間、執吓一間都知最後做唔住，所以真係收大信封時又唔係好震驚。反而執咗之後有次同屋企人去上海，看見當地一間哈迪斯，嗰一刻直情喊咗出嚟。」
結業後不久，David本想設立一個紀念網站，將整理好收藏品放到網上公諸同好，但多年來也因事忙未有成事，及後facebook流行，他便將部分收藏上傳到「哈迪斯員工群組」，讓舊日曾一起在哈迪斯的戰友回味。而「哈迪斯幾時返嚟ar」fb社群更已有近800人讚好支持，大家都希望終有一天，哈迪斯會回歸香港。
|
鍾意就快D Share啦！
|
|
|
