十年前經歷3P孽緣重創嘅李麗珍，07年重遇初戀情人潘源良，愛火重燃。熱戀期間，二人喺元朗八鄉共築愛巢同居。人到中年，以為搵到心中「最愛」，但今日珍妹好友張文慈喺微博貼上同李麗珍合照，留言話「傻豬，忘記他吧！鞋若不合穿，勉強著也是痛！世界上總有懂得珍惜你的人在等著你！」張文慈仲透露二人正出發去台灣，似陪好友失戀嘅散心之旅。據知，李麗珍同潘源良喺一個月前已經分手，上個月28號，潘源亮同朋友去睇歐冠盃，同一時間珍妹帶囡囡返加拿大讀書，二人分道楊鑣，各有各生活。其實早於兩年前，有雜誌影到李麗珍同潘源良無論行街食飯，都係各自各精采，李麗珍搬入貝沙灣豪住，相反，潘源良就獨自搬到油麻地只得300呎嘅studio過寡佬生活。二人至今未能修成正果，有指主要原因，係李麗珍現年19歲嘅女許倚榕一直接受唔到呢位新爸爸。對於李麗珍同潘源良分手，避走台灣散心，《蘋果》今日打俾張文慈，佢話：「我諗呢啲嘢，你哋問番珍妹啦，有啲嘢等佢自己講會好啲！」早前曾有報道話李麗珍同潘源良「三離三合」，潘源良亦對此直認不諱(新聞連結：http://bit.ly/1WCKpWr)，即係今次係第四度分手啦!潘源良今日接受《蘋果》電話訪問時，阿潘沉默一秒之後就話：「我瞭解吓佢講咩先，o依家完全唔瞭解情況好難答你。」其後，潘源良短訊回覆：「精誠盡處非金石，眾口無權置一詞⋯」睇嚟今次係堅「被分手」!
來源 source: http://hk.apple.nextmedia.com
|
鍾意就快D Share啦！
|
|
|
