娛樂偵訊
夜場騷玩人肉壽司 艾美琦：差啲食到我下面！
騎呢組合 AD2出道的艾美琦（ Amy），雖然是非多更曾涉嫌賣淫，不過成功箝到賭廳大亨，可以錄歌出唱碟，拍戲擔正做女一。
除了有金主開水喉，性感冇底線的艾美琦更密密北上搵真銀，在內地酒吧同觀眾玩人肉壽司，瞓低任舔任咬，十分色情！
自度色情遊戲
可以當街剝衫、啜爆阿伯，性感無底線的艾美琦成功脫出錢途，過去大半年密接內地酒吧騷執唔少，但卻被指出盡賤招，搶好姊妹程芷渝（ Milla）飯碗。
「原本好多夜場都係搵開 Milla出騷，因為貪佢識搞氣氛， Amy見佢撈得咁掂，就叫 Milla帶自己上去見識吓， Milla懵盛盛仲大方到介紹埋啲夜場老闆佢識，跟住 Amy就同啲老闆講可以平價接騷同任剝，仲自己度埋啲情慾遊戲橋同啲客玩，冧到啲老闆將原本度晒搵 Milla嘅騷，過晒俾佢做！」知情人士說。
上月中，一個原本定好是 Milla做嘉賓的酒吧騷，突然改由艾美琦上陣。著住超少布透視裙、胸前只貼住銀色乳貼出場的她，先唱歌熱身，邊唱邊伸出手任握；見觀眾開始叫囂亢奮，便開始進入戲肉，拉客上台玩「人肉蘋果」。
工作人員將切好的蘋果放在瞓低的艾美琦身上，之後由她發號施令，兩位餓男就用口，鬥快食完她身上的蘋果，咬近敏感部位時，她又擰又縮又叫，好意淫，其他得個睇字的觀眾，不時尖叫吶喊。
咬到下體
對於在內地夜場做騷，同觀眾玩意淫「人肉壽司」，艾美琦第一時間否認，直至記者遞上證據，她才改口。
「……其實係個好健康嘅活動，只係食蘋果，其實唔係食，係擔……，佢哋（餓男）對手要放喺後面，都冇咩吖！（見到佢哋掂到你啲重要部位！）掂到我手腳啫！食都係食我隻腳啫！」記者於是再展示另一張影到餓男嘴貼下身的照片。
「佢係有嘗試或者意圖食下面，但係食唔到嘅，因為我都識得避。我相信佢唔係故意嘅，只係心急要贏同現場又有啲混亂，唔小心撞到啫！（唔覺得玩過火！）如果我覺得唔舒服，就唔會接個騷啦，都預咗會有啲碰碰撞撞！好似踢波俾人撞親，呢啲都係預咗！」艾美琦說。
反面鬧爆
被好姊妹賤招搶飯碗， Milla當然㷫爆。
「佢（艾美琦）要做到咁賤格我都冇辦法，介紹啲內地夜場老闆佢識，都係諗住等佢有機會登台搵吓錢，點知佢使橫手搶晒我啲 job，唔好話係姊妹，以後連朋友都唔係！我冇啲咁卑鄙同犯賤嘅朋友，搞差個市，影衰晒！著到咁，不如唔好著啦， cheap到爆！」程芷渝說。
抽水冇聲出
藝人北上登台賺人仔，但強國夜場乜人都有，就算俾人毛手毛腳，男好女好，都要硬食。
撰文、攝影、攝錄：娛樂組
|
鍾意就快D Share啦！
|
|
|