掃呢頁CODE去手機

2016年6月18日 星期六

【網上又瘋傳…】30年前好瘦的黎明 同好薯的許志安…似咩? __,許志安,黎明,安仔,

黎明先前就好叻叻豬咁,成功化解咗佢嘅入行30周年演唱會嘅關公危機,演唱會雖然未能完完全全咁呈現4D效果,但無論核心內圍或核心外圍嘅聽眾,都聽得非常之high。唔知係咪大家仲有好多情深說話未曾講,除咗大台要喺深夜播放黎生嘅陳年舊劇《人在邊緣》,俾大家重拾童年回憶之外,好多網民都想findout番呢位黎天王嘅事跡。噚日就有網民搵到一張黎生同鄭秀文老公許志安嘅舊照,喺facebook到同大家開心些牙喇! ...


黎明先前就好叻叻豬咁,成功化解咗佢嘅入行30周年演唱會嘅關公危機,演唱會雖然未能完完全全咁呈現4D效果,但無論核心內圍或核心外圍嘅聽眾,都聽得非常之high。唔知係咪大家仲有好多情深說話未曾講,除咗大台要喺深夜播放黎生嘅陳年舊劇《人在邊緣》,俾大家重拾童年回憶之外,好多網民都想 find out番呢位黎天王嘅事跡。噚日就有網民搵到一張黎生同鄭秀文老公許志安嘅舊照,喺facebook到同大家開心些牙喇!張相,係攝於1986年8月12號,亦即係許志安19歲生日嗰日。當晚發生咗一件事,就係爆出贏咗新秀大賽亞軍嘅安仔,同落選新秀喺尖東一家disco打交!!!事發翌日,安仔接受傳媒訪問時,直截了當否認打交。當年只有19歲嘅安仔詞拙,唔識表達,就係靠企喺安仔身邊、大佢一年(即係20歲)嘅黎明,發揮其關公/公關天份,代安仔向傳媒解畫!(新聞連結: http://bit.ly/23hEsON )其實黎生同安仔都甚有淵源架,佢哋同係參加86年嘅新秀歌唱比賽,當年許志安得銀獎,黎生就得銅獎,冠軍就係已經退出幕前嘅文佩玲。睇番呢張舊照,見到黎生同安仔都面型瘦削,雖然當時佢哋嘅星味仲未出,見到安仔穿住件當年潮牌Benetton衛衣,鏟咗個陸軍裝,驟眼望落去仲有啲似「我覺得自己是零」嘅阿源;而黎生就將恤衫攝入牛仔褲,相信佢o依家睇番呢個造型,都會有啲毛管戙呢!而呢相陳年舊照出咗一日,好多網民都好有興趣,不斷留言話借分享,仲有網民留言問張相信和有冇得買喎,有人笑言一定係炒價喎!

安仔、黎生同蘇永康,同是新秀出身,他們曾與張國榮合照。 就係呢張相,搞到大批網民求分享。攝於1986年。 安仔與黎明同是參加86年新秀,當年二人屈居於文佩玲,只得銀、銅獎。
當年佢哋一齊參加新秀歌唱比賽。 安仔同黎生老友鬼鬼。
大台正於深夜重播黎明同劉青雲主演嘅《人在邊緣》。 有網民話安仔當年嘅樣好似「我覺得自己是零」嘅阿源。 黎明之前喺中環海濱長廊舉行入行30周年演唱會。
安仔o依家豐滿咗唔少。

鍾意就快D Share啦!