50歲美魔女羅霖今日性感盛裝出席在中環蘭桂坊出席記者會，為自己代理嘅紅白酒宣傳，同場的嘉賓還有林保怡、周美鳳、李司棋及陳欣健等。現場仲放咗羅霖早前為品牌拍攝嘅婚紗宣傳照，當中有一張羅霖跟一名只展示背部男士的合照，照片中二人更作親嘴狀，羅霖仲親口承認J君，經已向佢求婚。羅霖接受訪問時承認該J君是眾多追求者之一，此次法國之旅他亦有同行，她說：「佢有同我一齊去，今次法國之行令佢加咗唔少分。本來佢話今日都要嚟，係我唔俾，因為未100%肯定，經過旅程之後，都認定佢係我幾重要嘅人。」她透露本來打算一個人拍婚紗照，不過J君知道後要求同行，全程他很溫柔及照顧自己，她說：「佢仲未過3個仔個關，應該年底會俾佢見囝囝。3個仔都想我搵個伴，唔想我咁辛苦。J君都有求過婚，不過我未應承，過咗囝囝個關先。」她笑言今次酒會就像婚禮預演，又透露J君是一名內地生意人，年紀比自己年青10年有多，不過她認為伴侶只要有溝通，年齡差距不是問題。她又表示在全程6日的旅程中，J君不單照顧有嘉，拍婚紗照時又替自己拿鞋及提裙尾。而羅媽媽也是今次活動中首次見到J君的照片，被問到J君是否富二代時，她說：「富唔富有唔係問題，如果下次結婚未必會大搞，通知啲親友食飯就算。」另外，李司棋話同跟羅霖合作《真情》時，覺得對方好乖，當佢知道羅霖有求婚對象時，都好戥佢開心。司棋姐又透露已接拍大台嘅《溏心風暴3》，她說：「O依家係等出年開工，未必係原班人馬，有得歸隊就歸隊啦。」她表示岑麗香很可愛及有特質，希望可以合作。
來源 source: http://hk.apple.nextmedia.com
|
鍾意就快D Share啦！
|
|
|
