關於何婉盈(Elaine)的感情生活……第一個想起的，大抵不是前夫傅大全，而是識時務者魏駿傑。93年，何婉盈曾魏駿傑因合作拍劇而撻著，3年後分手。過程不大愉快。01年，和商人傅大全結婚，婚後一年半因生活不協調離婚，07年再自爆36歲時做了單親媽媽誕下一女。提到囡囡，Elaine即一臉幸福甜笑說：「囡囡今年9歲，雖然依家又要返工，又做生意，但都會擺多啲時間喺囡囡身上，而餐廳就係同朋友嘅聚腳地。」感情生活方面，Elaine坦言跟囡囡的爸爸分開後不乏追求者，但她很享受現在的生活，不急於找另一半。Elaine說：「同囡囡已經有個生活模式，如果有人入侵，相信我哋都唔習慣，細個為咗一個『愛』字乜都得，但人大咗反而唔想遷就人，依家個『愛』字喺囡囡度。」Elaine笑言，不能忍受身邊的人有鼻鼾，如果將來有人可以好文明接受分房瞓，對方一定會被優先考慮。不過，Elaine爆囡囡不喜歡她拍拖，因此過往有追求者都不會讓囡囡知道，加上未肯定對方，不希望影響小朋友成長，以為媽媽隨便換男友。
來源 source: http://hk.apple.nextmedia.com
|
鍾意就快D Share啦！
|
|
|