歐國盃最潮波衫襯搭，港超WAGs話你知！歐國盃小組賽就快踢完，各位靚女有冇買番件波衫，同男朋友一齊出街睇波呢？究竟點樣襯波衫先最靚，我哋就搵嚟兩位港超球員黃俊皓同埋黃威嘅女朋友，畀啲貼士大家。
「阿皓」女朋友Jacqueline，身為鋼琴老師，平日着衫都好斯文。聽到今次要着波衫，都好用心諗過度過。身型細細粒，着起XS波衫，都仲會好鬆身，Jacqueline就有好辦法，佢話：「通常波衫都會比較闊身，如果我着嘅話，我會選擇打一個結，線條會更加明顯。」加上下身襯黑色短裙同埋波鞋，sporty得嚟又有少少lady，各位想着波衫又驚太男仔，Jacqueline呢個襯法就啱晒大家！睇到呢一身打扮，阿皓都大讚靚女。「好煥然一新，咁樣着好好睇，以後可以着多啲波衫！」
睇完Jacqueline嘅示範，就輪到黃威女友Mish。平時見佢成日同黃威行山，都覺得佢好Sporty。今次佢就介紹番，原來着oversize波衫都好好睇！Mish話：「好多女仔都會鍾意修身啲嘅波衫，但我就鍾意oversize，因為足球始終係男性運動，襯得boylish都好好睇！」只需要一條牛仔短褲，加一對深色波鞋就搞掂！見到女友呢個look，黃威都話：「平時佢好少行呢啲路線，依家可以襯番我。」睇嚟男仔都好buy波衫look女仔喎！
劉浩龍 Vs 湯文亮
今個夏日大爆足球金句！！仲有獎抽呀！
足球狂熱，席捲2016夏日。明星隊、財經名人隊喺「星級擂台」大鬥金句，每個賽日都咁好睇，今日明星隊派出劉浩龍、財經名人隊由湯文亮壓陣，實有精彩嘢。睇完金句，記得玩埋抽獎，豐富獎品等住你，快啲去彩報網頁 http://win.on.cc 參加喇！
獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛，好吸引呀！
推廣生意的競賽牌照號碼：047186
|
鍾意就快D Share啦！
|
|
|