又真係幾鬼似架啵…衰鬼～
歌手楊千嬅出席活動，自爆兒子遺傳了老公丁子高的表演欲，她說：「其實我老公表演欲多過我，次次去朋友婚禮，都好似佢結婚咁，爭咪唱歌，係咪霸。」問到千嬅是否一名「催谷媽媽」？她表示自己也不是在「催谷家庭」出生，自己比較着重小朋友有個快樂童年。
拒做怪獸家長
對於無綫節目《沒有起跑線？》內有家長指現在教育觀念是「贏在射精前」，千嬅表現驚訝說：「咁得人驚？概念好唔啱，我覺得有啲家長要擇日開刀，為咗想小朋友同自己生肖一樣已經好誇張，我個仔係六月出世，好明顯我係唔理呢啲，最緊要佢健康開心。」
為造人操體能
問到千嬅可會用方法計準生女？早前想追B的她表示：「小朋友係個天畀嘅命數，我嘅責任係後天身教，先天嘅嘢我唔強求，仔女冇所謂，最緊要健康！（幾時開始造人？）完埋今年工作先，拍晒三套戲就會抖吓做吓家庭計劃，預計明年，不過有就有，冇就冇，我都係為個仔有人陪。（係咪要練好啲體能？ ）係呀，因為開始唔夠個仔跑。」
唔介意被指似黃子華
此外，談到千嬅在社交網站上載跑步照被網民指像黃子華，她聽罷即幽自己一默：「吓！男人嚟㗎喎！不過都唔拘，都算係親戚，大家都叫『華』，我呢排想𢱑飛，係認親人嘅時候，我去買飛，問售票姐姐想唔想同我影相？有冇飛先？點知佢都係話冇。」
來源 source: http://hk.on.cc
|
鍾意就快D Share啦！
|
|
|
