陳志雲幫ViuTV打無綫
【ViuTV發圍】王喜月前在社交網轉載周恩來一篇報道而被黃安舉報，令他在內地真人騷演出被刪和被打格，內地工作亦一一被取消。然而，像何韻詩一樣，王喜決定用自己方式生存，自資製作三點式沙灘遊戲節目《喜樂無窮．塞班島》，將版權售予ViuTV，並請來無綫前總經理陳志雲為今日面試擔任評判幫手揀女，齊齊倒戈撐ViuTV打無綫。
曾經憑《烈火雄心》駱天佑角色深入人心的王喜，四年前離開無綫向外闖，他為內地拍攝的真人騷《了不起的挑戰》原於今年1月播出，沒料到去年底他在fb轉貼一段周恩來報道而被黃安舉報，令他的真人騷演出被刪剪及被打格，甚至許多內地大大小小工作亦被取消。
■陳志雲為力撐好友王喜，今日會為對方售予ViuTV播映的沙灘game騷擔任面試評判力撼無綫。設計圖片及對白
■月前王喜到塞班島睇景，下月並將拉隊到當地拍攝。
■日前孖住去歐洲旅行的陳志雲（右）和陶傑，齊齊做評判揀女。互聯網圖片
分分鐘同志偉對撼不過，王喜終於用自己方式找到出路，就是自己出錢投資做製作，而第一炮，正是沙灘遊戲節目《喜樂無窮．塞班島》，找一班三點式靚女到塞班島玩game騷。今日王喜將安排一班靚女穿三點式為節目面試，並找來好友陳志雲、陶傑跟自己一起擔任評判揀女。原來，王喜首次製作的game騷將售予ViuTV播出，換言之他將孖住志雲倒戈撼娘家。
另外，無綫近年收視插水，要急召曾志偉回歸主持新遊戲節目力挽狂瀾，王喜今次炮製的節目，分分鐘有機會跟志偉或港姐對撼。
記者昨日致電王喜，他說：「我自己有間製作公司，夥拍另一間本地公司，搵咗投資者一齊合資，製作一個陽光海灘美女三點式嘅遊戲節目，7月頭去塞班島拍。有咗個製成品之後發行去ViuTV，馬來西亞、新加坡同台灣，另外仲有啲網站咁囉。」為何構思沙灘美女節目？王喜說：「搞製作嘅話你就要攞最大公因數，你放諸四海嘅話，呢條橋大家都會受落。」
■曾拍《喜愛夜蒲3》的女model李慧玲Jamie為面試者之一。
「審美有獨到眼光」王喜強調節目並非真人騷，所有參加者均會有演出費。記者笑他與志雲揀女似乎有欠說服力，但王喜反駁說：「梗係唔會我哋對審美好嚴謹，同埋我哋有獨到眼光。」
雖然志雲不會遠赴塞班島拍攝，但他今日擔任評判部份亦將一併收錄在節目中，王喜說：「冇錯，係節目嘅一部份，都要話畀大家知啲選手點樣產生，呢個過程必須擺落去嘅。雖然面試裏面陳生會成為一個評判，但唔構成倒戈嘅，佢幫我做評判箒，我係獨立公司去做，我唔係ViuTV嘅contractor（承包商），拍咗個節目然後畀佢哋播，所以陳生嚟幫我，同ViuTV冇關。」
採訪：魯吉
|
鍾意就快D Share啦！
|
|
|
