哇…冇見一排做咩靚咗咁多？
近年升呢電影監製與導演、身兼甘肅省政協委員嘅彭丹，最出名除咗係佢嘅驕人雙峰之外，就係佢嘅「E字馬」。不過今時今日，要睇彭丹表演「E字馬」並唔係咁容易，之但係唔緊要，大家依然可以欣賞佢嘅精彩表演，就係變臉。
「超時空」逆齡
日前以《遇見下一個你》電影監製身份現身電影節活動嘅彭丹，以一襲超低V晩裝真空上陣大晒半球，非常「胸湧」搶鏡。現年43歲嘅她，唔單止神采猶勝當年、雙峰依然堅挺，仲要連個樣都「超時空」咁後生過以前。
愈大愈省鏡
呢個時候，梗係睇番彭丹啲舊相啦，其實佢初初出道嘅時候，唔知係咪因為Baby Fat，個樣反而唔似得依家咁後生，不過相信都只係化妝同唔識打扮關係。經過咗五年嘅洗禮，彭丹開始進化成2.0 Version，唔單止塊臉瘦番好多，仲要成個Look都充斥仙氣，真係不得不講句佩服。
不過女人愛靚呢樣嘢又點會有止境先得㗎，再過多六年，彭丹又再進化去到3.0，呢個3.0就犀利喇，一對鳳眼相當有霸氣，真係完全符合佢依家政委嘅身份。而去到日前嘅電影活動，彭丹再度發力一嘢跳咗去4.0，唔單止塊臉再尖咗、仲要個鼻直咗同蘋果肌都飽滿咗。呢啲仲唔係保養得宜嘅見證？
變靚全靠芭蕾舞
彭丹接受《東網》電話訪問時，談到身材多年來保持不變，她稱全靠跳芭蕾舞鍛煉，她說：「我係跳芭蕾舞出身，依家都一直有跳，仲有跳爵士舞同打高爾夫球，又學跆拳道，我覺得鍛煉好重要。（你上圍依然好堅挺？）還可以當然內衣選擇好重要，但（上海電影節）當日我係真空上陣。不過我唔鍾意太瘦太骨感，最重要係balance同健康。」
來源 source: http://hk.on.cc
|
鍾意就快D Share啦！
|
|
|