掃呢頁CODE去手機

2016年6月20日 星期一

【老婆眼濕濕】風騷攬Heidi唱《愛我別走》洗米華當眾講「我只得一個周太」 __,洗米華,李靜儀,Heidi,周焯華,

洗米華喺兩星期前飛倫敦,盛傳佢陪MandyLieu待產,點知前幾日洗米華就嚟香港出席活動,當時被問Mandy係咪已生B同幾時返香港?佢只係友善咁回望咗一眼。唔通Mandy已經生咗……咁洗米嫂…咁算…係唔係真係同老公洗米華玩完,NoNoNo…原來係有人享齊人之福,原來洗米華話咁快已返咗澳門交人,話晒正印陳慧玲(Heidi)同小三MandyLieu嘅三角關係一直峰迴路轉,仲好睇過大台劇多多聲,早前就係 ...




其他影片:>>






洗米華喺兩星期前飛倫敦,盛傳佢陪Mandy Lieu待產,點知前幾日洗米華就嚟香港出席活動,當時被問Mandy係咪已生B同幾時返香港?佢只係友善咁回望咗一眼。唔通Mandy已經生咗……咁洗米嫂…咁算…係唔係真係同老公洗米華玩完,NoNoNo…原來係有人享齊人之福,原來洗米華話咁快已返咗澳門交人,話晒正印陳慧玲(Heidi)同小三Mandy Lieu嘅三角關係一直峰迴路轉,仲好睇過大台劇多多聲,早前就係因為洗米華世紀一拖,兼傳Mandy為洗米華有咗第二胎,激到Heidi嗌離婚。噚晚洗米華同Heidi喺澳門出席友人生日P,洗米華仲攬實老婆唱《愛我別走》,Heidi仲激動到眼濕濕。《蘋果》問洗米嫂會唔會原諒老公出軌,心軟答應復合唔離婚?洗米嫂表示:「唔回應。」有消息透露,噚晚係太陽城其中一位股東搞生日派對,有份出席生日派對嘅洗米嫂閨中好友向《蘋果》表示,洗米嫂噚晚喺洗米華懷抱爆喊,並唔係原諒咗出軌老公,而係因為現場好多朋友都撐佢,當時台上台下好多人都大嗌:「我哋只係認一個周太,就係你!」當時洗米華喺台上唱歌,成班股東都推洗米嫂去洗米華身邊,朋友不停起哄大叫:「復合有望」,洗米華都借勢攬實洗米嫂,仲當眾大大聲講:「我只得一個周太!」全場都拍晒手掌,佢哋唱完歌落台,不過當時洗米嫂冇答應!據佢閨中好友表示:「洗米嫂話堅持要離婚,因為呢個傷害太大,只係當佢係囡囡嘅爸爸,家人看待。」呢個派對由林盛斌(Bob)擔任生日派對司儀,Bob接受《蘋果》電話訪問話:「噚晚有主人家生日擺酒,現場有見到華哥同Heidi,有朋友拉Heidi上台,當時華哥唱緊《愛我別走》,大家嘻嘻哈哈好開心,朋友仲叫佢哋合唱。」問到Heidi係咪激動到喊?Bob話:「我見唔到喎,佢可能有少少尷尬,當時華哥都有少少醉意。」洗米華同Heidi係咪坐同一張枱?Bob話:「見到唔係一枱,但佢哋返落台後,都有坐低飲杯嘢,佢哋講乜我冇理到。」問到佢哋係咪喺番埋一齊?Bob話:「我唔敢講,希望佢哋好好處理番,但現場賓客都想佢哋一齊,大家都想佢哋一齊。」

早前外傳Mandy有機會坐正,點知噚晚洗米華就出手攬洗米嫂… 仲不知幾恩愛… 情深唱《愛我別走》
攬到太太實一實…唔知洗米嫂會唔會因為咁,而唔離婚呢? 仲叫老婆同佢一齊唱… 反而早前有網民見到Mandy同洗米華,男方就有啲藐嘴…
噚日Heidi都有帶埋囡囡過去。(Instagram截圖)

鍾意就快D Share啦!