掃呢頁CODE去手機

2016年6月13日 星期一

政Whats噏:政Whats噏:疑人現家外 肥佬黎反應惹遐想 __,肥佬黎,黎智英,

有數名疑似內地男子下午行經肥佬黎大宅附近,並拍攝其門口作紀錄。(設計圖片)被指係前年年底違法佔領行動幕後黑手嘅壹傳媒集團前主席黎智英(肥佬黎),其大宅門口今日(12日)下晝發生懸疑事件,5名疑似內地男子下午行經肥佬黎屋企附近,並拍攝其門口作記錄,該批男子至今身份未明,事件中最令人嘖嘖稱奇嘅係,肥佬黎竟然冇報警,反而搵咗旗下傳媒員工到場。到底呢幾個男子係警察、廉政公署人員定係內地「強力部門」呢?點解 ...


有數名疑似內地男子下午行經肥佬黎大宅附近,並拍攝其門口作紀錄。(設計圖片)

被指係前年年底違法佔領行動幕後黑手嘅壹傳媒集團前主席黎智英(肥佬黎),其大宅門口今日(12日)下晝發生懸疑事件,5名疑似內地男子下午行經肥佬黎屋企附近,並拍攝其門口作記錄,該批男子至今身份未明,事件中最令人嘖嘖稱奇嘅係,肥佬黎竟然冇報警,反而搵咗旗下傳媒員工到場。到底呢幾個男子係警察、廉政公署人員定係內地「強力部門」呢?點解佢哋嘅出現,會令到肥佬黎寧願搵旗下傳媒,都唔相信警方呢?唔通佢都怕有一日會被帶走?

今日下晝約2點40分,肥佬黎屋企附近有5名疑似中國籍男子,部分人帶住斜孭袋,衣着亦似內地人士,當中4人年約40多至50歲,1人約20多至30歲,該名較年輕嘅男子身穿螢光黃色風褸,手持藍色縮骨遮。

一行5人由嘉道理道嘅山腳沿斜路步行上山,其中先有4人行到嘉道理道87號門口,即肥佬黎屋企對面,餘下1人尾隨行至81號,即肥佬黎屋企門口,就掉頭落山。至於該4名男子,當中1人手持攝影機,先拍肥佬黎屋企門口,再拍攝旁邊嘅聖佐治閣外貌,其後再影多次肥佬黎屋企門口,全程約1分鐘,跟住4人就慢行落山。

至下午4時30分,其中3人再被發現在將軍澳《蘋果日報》大樓外進行拍攝,到底呢批男子係乜嘢身份同背景嘅人?點解會有興趣拍攝肥佬黎屋企門口?至今仍然無從得知。

肥佬黎同附近住戶都冇報警,但約半小時後,肥佬黎旗下傳媒有員工到場守候,令到事件更加惹人遐想。一般市民屋企附近有可疑人物,都會報警交由警方處理,但點解肥佬黎只係搵員工,而冇搵警方?佢到底係咪驚啲乜嘢,因此唔信警方?當中係咪有啲不可告人嘅原因?答案就只有肥佬黎至知。

※更多政經猛料、秘聞,請關注政Whats噏fb:

https://goo.gl/ndFQNz


來源 source: http://hk.on.cc
鍾意就快D Share啦!