掃呢頁CODE去手機

2016年6月13日 星期一

【獨家】兩年情凍過水 麥明詩拒聽電話 愁爆林作被母訓話 __,麥明詩,林作,

周秀娜就話要搵番「大奶奶」啫(睇呢度:http://bit.ly/21gdZj2),咁林作呢?佢要搵番麥明詩!麥明詩不見了嗎?明明見佢今日仲喺ig貼圖打卡話自己身在深圳拍劇,前晚仲突然貼一張抱膝慘慘豬圖,tag係「想家了」。是的,前日凌晨,讀者鍾先生透過本報「爆相爆片」,分享幾張林作喺銅鑼灣街頭向低胸索女「A貨麥明詩」攞電話嘅相……噢。身在大陸開工嘅麥明詩以短訊回覆本報,避談男友有冇預先通知有女仔 ...




其他影片:>>






周秀娜就話要搵番「大奶奶」啫(睇呢度:http://bit.ly/21gdZj2 ) ,咁林作呢?佢要搵番麥明詩!麥明詩不見了嗎?明明見佢今日仲喺ig貼圖打卡話自己身在深圳拍劇,前晚仲突然貼一張抱膝慘慘豬圖,tag係「想家了」。是的,前日凌晨,讀者鍾先生透過本報「爆相爆片」,分享幾張林作喺銅鑼灣街頭向低胸索女「A貨麥明詩」攞電話嘅相……噢。身在大陸開工嘅麥明詩以短訊回覆本報,避談男友有冇預先通知有女仔在場,只係話:「平時唔會check住佢。關係講信任,要(目及)住嘅話冇意思。」而林作則於ig貼上本報報道佢「抄牌」嘅新聞截圖,並留言:「大鑊!」似乎被女友「問罪」了!(新聞連結: http://bit.ly/1YlzW14 )林作話「大鑊!」,所言非虛。林作之前已回應,否認有「抄牌」,並指留學時期已認識嗰個女仔,麥明詩都識。但,事發至今,聽講林作都聯絡唔到麥明詩,可能係麥明詩忙於拍劇,唔得閒回覆……喺香港好唔開心豬嘅林作,真的大鑊了。噚晚7點半左右,愁爆又驚豬嘅林作,同媽媽身穿白色母子裝,現身大坑打邊爐。呢個半小時裡面,林作明顯真係悶悶不樂。食物一碟又一碟送到林作面前,佢都只係食好少,媽媽就大快朵頤,兩人成強烈對比。林作同麥明詩拍拖兩年幾,林媽媽真係已經當麥明詩係自己粒女一樣,早前更豪擲6,500萬、買入麥當勞道3,400呎複式豪宅,準備兩口子新婚之用。依家阿仔搞出大頭佛,做阿媽嘅,都一樣心煩。試問如果因為咁冇咗個新抱仔,去邊度搵?所以呢,噚晚話就話係母子撐枱腳打邊爐,其實就係——阿媽教仔。只見林媽媽不停咁講,林作就只能「係」、「係」、「係」、「知道」、「聽到」。唔止講得少,食得少,林作其實全程篤手機,唔知係咪「尋找麥明詩」ing。食完飯,林作就載媽媽去中環雪廠街一幢商業大廈,所為何事就唔知喇。攞車嗰陣,只見林媽媽都有安慰阿仔,但林作依然冇厘神氣,同平時自信心十足嘅佢判若兩人。《蘋果》打俾林作,佢依然冇晒心機,亦承認自己真係好唔開心:「係真係好愁,成件事係誤會。基本上嗰日真係一大班人,只係咁啱我同個女仔行開咗,但只係喺側邊企啫,好冤枉,而且我真係冇抄牌。」咁係咪未搵到麥明詩?林作無奈地謂:「係,仲未搵到Louisa,可能佢好忙。」頭先媽媽有訓話?林作都好坦白答:「係呀。」唔開心?「都愁嘅。」咁頭先係咪瘋狂WhatsApp麥明詩?原來又唔係喎。林作話佢當時係碌緊fb,見友人share呢個post:「男人該怎樣疼老婆」,當中有十條金句,第一項已經係:「在她朋友面前要表現的比平常更疼她」。林作話,頭先佢背熟晒呢十句金句(附圖)。林作已經去到咁盡,Louisa你就原諒佢啦…

採訪、攝影:徐錦池、畢紹基 前日被指「抄牌」 林作表示無辜亦無抄牌
噚晚俾阿媽捉咗去打邊爐兼訓話… 林作全程冇晒心機 頭痕…
堅係好頭痕 不斷篤手機 林作係咪諗緊:「已經心煩,咁熱仲打邊爐?」
要聽媽媽的話 埋單走人…
林作即Check手機 就連媽媽出嚟都未知 即刻收埋部機
冇晒心機 媽媽今次唔鬧,改為安慰… 林作又拎手機出嚟check
準備出車去中環 一落車,林作又check手機… 麥明詩有時間up相上ig,但冇時間覆林作…
麥明詩BB,見圖就覆下林作啦… 「男人該怎樣疼老婆」,十條金句,林作表示已經背熟…唔通佢已經當麥明詩係老婆了?

鍾意就快D Share啦!