天生瘦削嘅陳栢熹，竟然可以增磅到今時今日咁嘅地步，果然勁！
Moiselle太子爺兼時裝創作總監陳栢熹（Harris），日前揸名車現身灣仔街市。身穿背心短褲、波鞋的他，明顯剛做完運動，見佢拿着環保袋走入街市買餸，主攻清淡食物，先到生果檔買香蕉，再到有機菜店挑選蔬菜、青瓜，繼而再去買魚，最後還買了兩打雞蛋。全程見他急步行，似乎一直有幫襯，對街市環境十分熟悉的他，只花了十五分鐘已買下大袋食物上車離開。
做足五日gym
着背心的Harris手瓜起𦟌，十分壯健，名副其實肌肉男，與平時西裝打扮可謂判若兩人。早前他在社交網上載做完運動的半裸照，更驚見他有六舊腹肌。記者事後致電問他是否刻意練大隻，他直認不諱：「讀完書返香港做嘢時個人好瘦，得110磅同34吋胸。我一直都希望大隻啲，之前有做運動，但亂咁食嘢。依家知原來一定要有足夠蛋白質，所以近呢兩年幾先開始搵教練train。」
現時Harris體重達160磅，仲練到42吋胸，問到如何操練？他謂：「一星期做五日Gym、舉重，每次只做一個部分，胸、腹、手臂、腳同背，但就冇做帶氧運動。」
早餐食海參＋10隻蛋白？！
本身屬瘦削型的Harris，為增肌更日食六餐：「我早餐食海參、三文魚扒、加十隻蛋白，十點幾會食塊烚雞扒，午餐就正常食，下午茶再食塊烚雞扒，晚餐就清湯打邊爐形式，乜都食，但全部都冇味，因為鹽分會有水腫，臨瞓前再食多四隻蛋白，呢個係低澱粉質、高蛋白嘅餐單。不過一星期都會有一、兩晚亂咁食，唔會戒得咁清。（忍得辛苦？）我本身唔係好鍾意食嘢，會食麥當勞、公仔麵，可能遺傳媽咪瘦底食唔肥。（會繼續操？）距離目標仲差好多，膊頭夠闊但未夠厚，胸同背要執線條，未係好好。（想參加健美先生？）唔會。（點解練咁大隻？）貪靚，想着西裝靚啲，要托得起件西裝，而且個樣成熟啲，唔似𡃁仔。」
來源 source: http://hk.on.cc
|
鍾意就快D Share啦！
|
|
|