基沙文閃耀歐國盃！呢位馬體會前鋒今晨喺4強對德國之戰梅開二度，率領法國以2比0淨勝德國，殺入決賽同葡萄牙爭冠！佢個人更累積到6個入波，神射手之爭拋甩第2位嘅隊友皮耶同葡萄牙球星C朗等3球之多，隨時有望雙喜臨門呀！
上半場雙方互有攻守，法國開賽6分鐘就有入波黃金機會，可惜係基沙文同皮耶做完撞牆後，前者殺入禁區無人看管下，起佢生蟲右腳熨射遠柱冇力，畀德國門將紐亞救出。德國之後控制形勢，先後有安利簡恩同「小豬」喺禁區外先後施射，都逃唔過法國門神洛里斯十指關。法國僅靠皮耶同普羅普巴嘅罰球，叫做考驗吓德國門將紐亞，但都被一一擒住。眼見半場就完，補時階段法國右路開出角球，「小豬」喺禁區爭頂犯手球輸12碼，基沙文操刀一針見血，法國半場領先1比0。
換邊後德國積極反撲，壓住法國打，但一直未搵到破關之法，反而去到72分鐘，德國防線再度犯錯，甘美治喺門前控球失誤，被法國球員偷甩，之後保羅普巴左路傳中，紐亞出迎撲出唔遠，基沙文第一時間「窩利」射入，將紀錄拋開到2比0。
2分鐘後，德國有拉近紀錄黃金機會，可惜係甘美治嘅禁區外射門中遠柱彈出。之後德國雖然圍攻法國，都未能得手，最後淨吞兩蛋完場，正式出局。
劉浩龍 Vs 湯文亮
今個夏日大爆足球金句！！仲有獎抽呀！
足球狂熱，席捲2016夏日。明星隊、財經名人隊喺「星級擂台」大鬥金句，每個賽日都咁好睇，今日明星隊派出劉浩龍、財經名人隊由湯文亮壓陣，實有精彩嘢。睇完金句，記得玩埋抽獎，豐富獎品等住你，快啲去彩報網頁 http://win.on.cc 參加喇！
獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛，好吸引呀！
推廣生意的競賽牌照號碼：047186
來源 source: http://hk.on.cc
|
鍾意就快D Share啦！
|
|
|
