掃呢頁CODE去手機

2016年7月5日 星期二

王瑋彤狙擊露股男 騎呢友夾攻妖爆 __,王瑋,

王瑋彤與哥哥王浩信成個餅印,今次參選港男,想唔成為焦點都難!
王瑋彤狙擊露股男騎呢友夾攻妖爆昨日《2016香港先生選舉》舉行首輪面試,61位猛男當中,以無綫小生王浩信細佬王瑋彤(Tony)及任職消防員的梁裕恆(Flow)未晉級先贏聲勢,後者不時在網上晒騷肌相,當中有意識大膽的露股照,而其餘參賽者亦不乏「騎呢」表現,實行為突出自己各出奇謀!王瑋彤與哥哥王浩信成個餅印,今次參選港男,想唔成為焦點都難!停辦四屆的香港先生早前宣布今年再舉行,昨日在無綫電視城進行首次 ...


王瑋彤狙擊露股男 騎呢友夾攻妖爆

昨日《2016香港先生選舉》舉行首輪面試,61位猛男當中,以無綫小生王浩信細佬王瑋彤(Tony)及任職消防員的梁裕恆(Flow)未晉級先贏聲勢,後者不時在網上晒騷肌相,當中有意識大膽的露股照,而其餘參賽者亦不乏「騎呢」表現,實行為突出自己各出奇謀!

停辦四屆的香港先生早前宣布今年再舉行,昨日在無綫電視城進行首次面試,吸引61位男士參與,年紀最小的僅有17歲,最年長的38歲,雖然現場不覺眼有「星二代」出現,但發現「翻版王浩信」王瑋彤(Tony)及「露股男」梁裕恆(Flow)較為突出,力戰其餘一眾騎呢表現參賽者。

現年26歲、任職保險及模特兒的Tony,外形、樣貌及聲線都與浩信十分相似,原來他正是浩信如假包換的細佬,難怪受訪時面露尷尬之色,問到是否有人覺得他與浩信似樣?他笑說:「有。(把聲都似?)係呀!都有咁講。(增加信心?)可能(同浩信有冇親戚關係?)係親細佬。(哥哥有冇畀心得你?)有支持我!」本報就此事聯絡浩信,他愕然表示不知情:「真係嚇咗一跳,不過依家佢參加咗,我作為大佬,一定會撐佢!(會唔會畀貼士?)努力為自己裝備,講真,我其實唔係好贊成佢入呢行,因為真係好辛苦,不過如果佢鍾意,我會支持佢,最緊要有信心,盡量將自己優點發放。(佢有冇你咁大隻?)佢今日好密實,其實佢內裏好Open!哈哈!佢都有操開!(邊個大隻啲?)我哋各有各忙,好少一齊操,唔知佢依家點,不過OK嘅!其實最好唔好同我扯上關係,大家以後叫佢王瑋彤,唔好叫王浩信細佬,個名咁長,要靠自己嘛,咁樣會型啲!」

睇王瑋彤手臂咁粗,大隻程度應不遜於王浩信!
  • 睇王瑋彤手臂咁粗,大隻程度應不遜於王浩信!
Flow密實面試,私底下卻經常上載騷肌照!
  • Flow密實面試,私底下卻經常上載騷肌照!
小龍Cosplay成小智,仲出動埋精靈球!
  • 小龍Cosplay成小智,仲出動埋精靈球!

認喺屋企唔着衫

而31歲、任職消防員的Flow是自戀狂,有47吋胸肌,經常在Instagram上載騷肌相,當中有一張站在海中心、露出白雪雪臀部的照片,又有在浴缸浸浴時疑似露毛照,也有去船P含住香蕉的照片,他更曾參與猛男選拔賽。問到是否很滿意自己身形才放露股相上網?他說:「未係好滿意。(咁點解露股?)自己好鍾意大自然,之前同家人去沙巴,所以喺冇人嘅地方露股。(屋企唔着衫?)係呀!喺屋企唔着衫。(你有啲相露下體?)前面我唔會露嘅。(含香蕉呢?)係船河時朋友幫我影嘅。」

最Cute港男Clyde
  • 最Cute港男Clyde
紋身大學生Alex
  • 紋身大學生Alex
變「髮」律師Granald
  • 變「髮」律師Granald

「精靈球」召江若琳

候選港男中也有一堆騎呢人士,當中騎呢之最必定是以Cosplay《寵物小精靈》(現改名《精靈寶可夢》)的主角小智造型亮相、現年25歲任特殊學校助理的小龍(Jason),他繼在日出康城站拿出「精靈球」召喚江若琳大唱她的歌曲後,其後在電視城面試時,卻聲言要以精靈球收服評判的心,騎呢指數爆燈;現年26歲、擁有西班牙律師牌的Granald,頭髮剪到「一忽忽」令人印象深刻,他透露髮型乃自己傑作,更滿有信心地說:「冇自信又點會嚟報名,讀大學已經報咗兩次,因為考試冇嚟,今年再搞就再參加。」22歲的學生Clyde,會見傳媒時刻意扮「港女」晒V字甫士影相,及後更扮可愛再擺「港女十式」甫士,有點惡心!22歲在法國大學畢業的Alex,在父親陪同下現身康城港鐵站,左手露紋身的他直言不擔心會影響評審觀感。

文:影視組


鍾意就快D Share啦!