「五億駙馬」相信係好多人嘅夢想，好似黎諾懿咁，成功娶到身家超過五億嘅31歲前落選港姐李潔瑩，真係令人羨慕，跟住落嚟，要同大家講一個更令人羨慕嘅故事。喺唔係好多日之前，有一對幸福嘅夫妻，男嘅叫黎諾懿、女嘅叫李潔瑩，佢哋突然想食啲嘢，所以就去咗西環一間車仔麵舖食麵，冇錯，你冇睇錯，身家超過五億李潔瑩同「五億駙馬」黎諾懿真係食車仔麵，佢哋冇食天九翅，反而食金華火腿碗仔翅，仲有食生菜，睇返呢間車仔麵鋪嘅餐牌，食一個三餸車仔麵要36蚊，金華火腿碗仔翅就38蚊，平就唔算平，但對「五億夫婦」嚟講，應該都係冰山零點零零一角。除咗食嘅嘢令人好意外，佢哋兩公婆坐嘅位置都同一般名人、有錢人唔同，平時啲明星如果去餐廳食嘢，都會坐啲好隱蔽嘅位，又或者面對住牆，但佢哋兩個就揀咗個面向門口嘅位，完全唔怕人認得。衣著方面都係好令人意外，佢哋冇著到十分華麗，黎諾懿只係簡單白色貼身凸點飛釘短袖疑似底衫加條長褲，而李潔瑩就簡單一條吊帶牛仔裙加白色露肩衫，唔講你哋知，都諗唔到佢哋係「五億夫婦」。食完麵之後，「五億夫婦」冇搵司機車佢哋，選擇咗自己揸車，而喺行去攞車嘅一條長路入面，佢哋好似啱啱拍拖咁，有講有笑，睇住佢哋真係知道咩叫幸福。
| 攝影﹕徐錦池、畢紹基 |  五億夫婦慳家喺西環食車仔麵 |  |
 食得好開心 |  |  諗緊咩呢？ |
 |  |  |
 拖手走人 |  十分恩愛 |
來源 source: http://hk.apple.nextmedia.com
|
鍾意就快D Share啦！
|
|
|