掃呢頁CODE去手機

2016年8月3日 星期三

里約奧運:【里約奧運】女足4大美人 閃爆綠茵場 __,

奧運女足「美麗任務」,4大美人領軍,場內爭金、場外搶境,各懷絕技要贏波兼俘虜男人心!今屆奧運女子足球於3號率先開波,美女雲集,美國射手雅歷絲摩根性感火辣,法國中場妮絲比秀外慧中,德國新星戴比莉絲青春逼人,當然唔少得國產長腿靚女趙麗娜。球場艷光四射,吸睛指數爆燈,勢必好波連場,各位男球迷萬勿錯過!●雅歷絲摩根AlexMorgan年齡:27身高:1米70國籍:美國球會:奧蘭多驕傲國家隊上陣/入球:11 ...


奧運女足「美麗任務」,4大美人領軍,場內爭金、場外搶境,各懷絕技要贏波兼俘虜男人心!今屆奧運女子足球於3號率先開波,美女雲集,美國射手雅歷絲摩根性感火辣,法國中場妮絲比秀外慧中,德國新星戴比莉絲青春逼人,當然唔少得國產長腿靚女趙麗娜。球場艷光四射,吸睛指數爆燈,勢必好波連場,各位男球迷萬勿錯過!

●雅歷絲摩根 Alex Morgan

年齡:27

身高:1米70

國籍:美國

球會:奧蘭多驕傲

國家隊上陣/入球:112次/67球

講到最索女足球員,第一時間肯定諗起雅歷絲摩根,呢位27歲前鋒擁有一幅荷里活明星相,以及均勻身材。佢亦好識發揮「天賦」,經常為雜誌拍攝性感照片,甚至試過一絲不掛做人體繪畫,球壇首席性感女神美譽當之無愧。雅歷絲摩根人氣持續高企,成為廣告商寵兒,擔任多個國際品牌代言人,可以話係「女版C朗」。雅歷絲摩根仲係1位才女,曾經出版兒童書籍,更成為學校參考書。球場上,雅歷絲摩根一樣係主角,協助美國女足奪得上屆奧運金牌,以及上年世界盃冠軍,場內場外都畀佢玩晒!

●趙麗娜

年齡:24

身高:1米88

國籍:中國

球會:上海國泰君安永柏

國家隊上陣/入球:33次/0球

身高1米88嘅趙麗娜擁有超模身材,其44吋長腿,唔止令佢喺禁區內高人一等,更迷死唔少宅男。呢位「長腿門將」自上年年初嶄露頭角後,立即成為網民起底對象,人氣隨之急升,有雜誌搵佢同幾位隊友到北戴河海邊影咗輯性感靚相。趙麗娜好鬼疏爽,狂露事業線同長腿,睇到男粉絲女痴如醉,獲封為球壇「Angelababy」。中國女足自「孫雯時代」打入1996年奧運及99年世界盃決賽後,就未再喺國際大賽威過。慶幸近年新生代有姿勢有實際,上年世界盃打入8強,趙麗娜艷光照射下,能否令「鏘鏘玫瑰」再度盛放,大家拭目以待。

●戴比莉絲 Sara Dabritz

年齡:21

身高:1米71

國籍:德國

球會:拜仁慕尼黑女足

國家隊上陣/入球:31次/5球

德國男足勁、女足俏!21歲新星戴比莉絲冒起,為一向「男子氣」嘅德國女足,增添一份可愛色彩。3年已晉身大國腳嘅戴比莉絲,天才橫溢,喺2014年女子世青盃射入5球,協助德國奪冠。呢位充滿鄰家女孩氣質嘅小妹妹,傳射能力固然出眾,但最煞食都係一副甜美笑容,又經常喺球場發放笑蛋,為隊友帶來歡樂。一向盡收天下兵器嘅拜仁慕尼黑,上年將戴比莉絲收歸旗下女子隊,證明Sara已達頂尖級數。德國女足過去4屆奧運有3屆居亞軍,今屆可唔可以打破二奶命,就要睇戴比莉絲。

●妮絲比 Louisa Necib

年齡:29

身高:1米68

國籍:法國

球會:里昂女足

國家隊上陣/入球:139次/34球

妮絲比擁有阿爾及利亞血統,而且都係司職中場指揮,因而被譽為「女施丹」。事實上,妮絲比的確係天生冠軍人物,曾率領里昂女足9次奪得聯賽冠軍及3次歐聯錦標,上季亦贏埋法足盃,成為「三冠女王」。妮絲比喺場上表現冷靜,因而被稱「冷美人」,最重要係佢傳送精準,似足持家有道嘅賢妻良母,奠定球隊精神領袖地位。法國女足今屆以最強女子球會里昂人腳為班底,默契十足,有力問鼎金牌。

女足分組形勢

E組

巴西、中國、南非、瑞典

F組

澳洲、加拿大、德國、津巴布韋

G組

哥倫比亞、法國、新西蘭、美國

----------------

賽制

分組賽階段:12隊分3組,每組4隊,採單循環制,每組首、次名及2支最佳第3名進身淘汰賽。分組賽同分將順序以下列方法定排名:1.分組賽中得失球差 2.分組賽中得球數字 3.分組賽中有關隊伍的對賽成績 4.分組賽中有關隊伍的對賽球差 5.分組賽中有關隊伍的對賽入球數字 6.抽籤

最佳第3名將順序以下列方法定排名:1.分組賽中總得分 2.分組賽中得失球差 3.分組賽中得球數字 4.抽籤

淘汰賽階段:於法定時間打和將加時30分鐘,再和則以12碼決勝。

SO東波同你追實體壇每個精彩時刻! 

http://on.fb.me/1PWMCFH


來源 source: http://hk.on.cc
鍾意就快D Share啦!