掃呢頁CODE去手機

2016年8月4日 星期四

跑數跑到凸晒 洪欣買 4,700萬禮頓山 [壹週刊 - 1378] __,洪欣,M1,

娛樂偵訊跑數跑到凸晒 洪欣買4,700萬禮頓山被「疊碼仔」老豆拖累,洪欣試過俾人貼街招追數。父債女還,洪欣一鼓作氣,匿返內地接job,努力跑數。事隔接近四年,不但舊債還清,仲火速儲夠彈藥,趁住樓價回落入貨。上月初,洪欣以4,708萬買入跑馬地禮頓山千呎單位,一家四囗搬新屋。選擇性接job一二年,洪欣被澳門賭廳發出「江湖追數令」,在跑馬地一帶,四圍貼出大字報追債,涉及款項超過四百萬。口口聲聲話冇能力 ...


娛樂偵訊

跑數跑到凸晒 洪欣買 4,700萬禮頓山

被「疊碼仔」老豆拖累,洪欣試過俾人貼街招追數。父債女還,洪欣一鼓作氣,匿返內地接 job,努力跑數。

事隔接近四年,不但舊債還清,仲火速儲夠彈藥,趁住樓價回落入貨。上月初,洪欣以 4,708萬買入跑馬地禮頓山千呎單位,一家四囗搬新屋。

選擇性接 job

一二年,洪欣被澳門賭廳發出「江湖追數令」,在跑馬地一帶,四圍貼出大字報追債,涉及款項超過四百萬。

口口聲聲話冇能力代父還債的洪欣,為逃避債主,索性搬到上海,又四圍搵人搭路接騷,就算得一萬幾千,露埋事業線,一樣照接!

話咁快跑夠數,洪欣同老公張丹峰回流返港,仲生埋細女張晞彤,過去兩年,除了間中返內地登台、拍網劇,就疊埋心水做全職師奶。

根據土地註冊處資料,洪欣上月初以 4,708萬購入禮頓山一個單位,好有!

新屋 1,461呎,有三房兩廳,夠晒一家五口住。

首選跑馬地

啱嘅就做!洪欣選擇性接 job,因為大把貨。

根據土地註冊處資料顯示,今年六月初,洪欣用個人名義,以四千七百零八萬,購入跑馬地優質盤禮頓山,一個一千四百六十一呎單位。

一向鍾情跑馬地的她,住在同區內的舊樓聚文樓多年,○九年洪欣與細十一年的內地演員張丹峰結婚,婚後老公從北京移居香港,也只搬進洪欣舊居,未有另覓愛巢。自從細女出世後,洪欣見一家五口,加上大仔(與莫少聰所生的兒子張浩鋒)已經十五歲,要有更多私人空間,於是積極搵屋搬,細屋換大屋。

「上年開始睇樓嘅,講明要搵跑馬地附近,仲要最少有三房嘅單位,不過佢都好奄尖,前前後後睇咗好多個盤,每次都一家大細去睇。」一名地產經紀說。

14年,細女張晞彤出世後,洪欣全職湊女,只選擇性接 job。

要避債,又要搏命接騷跑數,洪欣一度搬到上海。

因為「疊碼仔」老豆欠下街數,牽連洪欣被貼大字報追債。

同莫少聰分手後,洪欣同細十一年的張丹峰結婚,婚後大仔莫鎬廉跟繼父姓,改叫張浩鋒。

撰文、攝影、攝錄:娛樂組


鍾意就快D Share啦!