湯寶如呢次真係佛都有火。
歌手湯寶如（湯記）擔任內地產品代言人，本來「賺人仔」是開心事，但湯記卻在微博打出四個大字「法律追究」，並留言說：「太過份了。這是私人交易，怎可以把這相片和文件放在微信和微博，亦可能再有放上其他平台上，一切以法律追究。」並上載一張自己手持「授權書」的照片，而當中的回郷證號碼，已被湯記事後「加工塗黑」。
望和平處理事件
《東網》就事件聯絡湯記，她表示：「其實我影呢張授權書係畀嗰個廣告商嘅，唔知點解會喺網上出現，仲要回鄉證號碼都冇遮，呢啲係私隱嚟，所以點都好，我都要求佢哋道歉。（廣告商有冇同你交代？）佢哋話會書面向我道歉，都有交代。（因為知道你要法律追究？）因為證件資料有可能畀人盜用，會好大件事，咁大家都想和平處理，唔想有損失嘅。（可會影響與該商品合作？）又唔會，因為同佢哋都合作過，之前冇發生過啲咁嘅事。（如有任何損失要求佢哋負責？）梗係要，如果畀人盜用咗資料都會向佢哋追究。」
據湯記所知，有關方面已下令將相片刪除，但經今次事件後，湯記表示為保障自己，以後若要事前提供個人資料，會附設聲明及條款，以免個人資料在不知情情況下，出現於網上平台。
其實藝人的個人資料在內地「被曝光」可謂屢見不鮮，過去韓星李敏鎬、內地藝人范冰冰、高圓圓等的證件相都曾流出過，而最令人印象深刻的，是韓國Oppa宋仲基在內地過海關時，遭瘋狂拍下護照相，雖然相關個人資料有「打格」，但行為已嚴重侵犯私隱。而今次湯記的回郷證號碼遭「冇格仔」完全公開，難怪湯記「火都嚟」。
來源 source: http://hk.on.cc
|
鍾意就快D Share啦！
|
|
|