張敬軒啱啱斥資2千萬買咗Avon Studio，仲好揼本將studio其中一部份打造成50年代火車卡廂，花盡心思。不過，比起當年佢契爺「牆紙大王」陳鼎禮，打本俾佢喺廣州開嘅錄音室，錄音器材連裝修總額超過6,000萬，新Studio嘅規模就梗係冇得比軒仔同陳鼎禮喺2010年上契，當年仲喺灣仔君悅筵開45席，英皇集團老闆楊受成、劉鑾雄同甘比、鄭裕彤、李民橋、向華強夫婦、趙世光等超級富豪都有到賀。軒仔自從認陳鼎禮做契爺，同陳太Kitty Pong關係亦好好，兩人一直以契媽契仔相稱，可惜最終因為錄音室嘅經營問題，搞到軒仔同契爺契媽反晒面。不過，原來唔止軒仔同契爺契媽嘅關係破裂，近年陳鼎禮同老婆Kitty嘅關係亦有所改變。有讀者報料，指陳鼎禮同老婆已經分開咗，o依家同一個台灣女楊嘉玲一齊，仲提供咗短片，影到陳鼎禮喺今個月多次同楊女喺香港行街、食飯，過住同後生仔女一樣嘅甜蜜拍拖生活。二人除咗拖手，情到濃時楊女仲試過邊行邊用手輕輕搓陳鼎禮屁股，相當煙韌，報料人仲話，楊女每次嚟香港都會同陳鼎禮住喺灣仔會景閣。但原來呢位新歡楊嘉玲，最近成為新聞人物，事關佢本身同富商張良鎮同居多年，有對仔女，人前表現恩愛嘅佢哋，曾被喻為「神仙眷侶」。至今年5月，張良鎮突然控告楊嘉玲，稱去年11月初兩人發生口角期間，張遭女方毆打，致左眼下方瘀青，臉、胸同手臂等多處被抓傷。張良鎮出庭時，仲手持一篇周刊專訪，強調佢係有頭有臉嘅人，而楊女毆打佢、令其名譽受損，而楊女就反控話兩人只係互毆，大家講明互不相告，故不滿張男突然提告，不過士林地檢署認為楊女罪證明確，所以會以家暴傷害罪起訴佢。事件仍未完結，未知會否影響楊女同軒仔過氣契爺嘅甜蜜關係。
| 陳鼎禮同楊嘉玲被影到喺街上表現恩愛。 | | |
| | | |
| |
|
鍾意就快D Share啦！
|
|
|
