2016年8月24日 星期三

《城寨英雄》:《城寨》:貓仔花曼慘死 拳佬變盲陷低潮 __,城寨英雄,

一時三刻點接受到…到時真係唔知會搞到幾多人忍唔住爆喊…無綫劇集《城寨英雄》熱爆全城,只要係電視迷,都必定晚晚追睇。之前網上流傳多個結局版本,除咗話「刁蘭」胡定欣會死,仲話「拳佬」陳展鵬會盲,搞到啲劇迷晚晚肉緊到瘋狂咬紙巾。而最新消息,仲話「龍成虎」貓仔伍允龍都會死,仲會係非常震撼嗰隻,唔係化~~為咗滿足各大劇迷,《東網》就幫大家八到嚟緊之後嘅劇情有咩高潮位。「花曼」王君馨會喺25日嗰集死,龍成虎就 ...


一時三刻點接受到…到時真係唔知會搞到幾多人忍唔住爆喊…

無綫劇集《城寨英雄》熱爆全城,只要係電視迷,都必定晚晚追睇。之前網上流傳多個結局版本,除咗話「刁蘭」胡定欣會死,仲話「拳佬」陳展鵬會盲,搞到啲劇迷晚晚肉緊到瘋狂咬紙巾。而最新消息,仲話「龍成虎」貓仔伍允龍都會死,仲會係非常震撼嗰隻,唔係化~~

為咗滿足各大劇迷,《東網》就幫大家八到嚟緊之後嘅劇情有咩高潮位。「花曼」王君馨會喺25日嗰集死,龍成虎就喺26日嗰集死,咁到底龍成虎點死呢?大家係咪好想知呢,原來龍成虎係畀「楊竹鑾」歐瑞偉打死,由於龍成虎可以話係城寨入面武功最高強嘅,佢嘅死,將會係無綫史上難得一見嘅震撼畫面。

而講到花曼被殺一幕嘅詳情,劇情大致係花曼畀殺手集團追殺,喺最危急關係,拳佬出現救佢。但由於敵方人多勢眾,花曼最終都係死喺拳佬面前,搞到拳佬好傷心!而拳佬為咗救花曼,亦畀殺手打傷個頭,搞到盲咗,亦因為咁,佢嘅功夫生涯陷入咗最低潮...想知盲咗嘅拳佬,仲有咩板斧可以打低楊竹鑾?Sorry,《東網》暫時都幫唔到你,大家繼續留意劇情啦。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...