恭喜恭喜！
前港姐戚黛黛下星期二在意大利古堡正式下嫁機師男友Calvin，今晚便會出發飛往當地。因此今早先在香港舉行接新娘儀式，而黛黛的好姊妹曹敏莉、李施嬅和朱凱婷等亦有到場「玩新郎」。讓新郎先嘗甜頭入屋避雨的她們，好快就露出「本性」，叫新郎和兄弟團做掌上壓，又要他們蒙眼傳Cupcake。之後，她們又叫Calvin讀愛的宣言，但因為男方中文能力麻麻，搞到讀得甩甩咳咳，場面既感動又有趣。
曹敏莉亦指自己當時十分感動：「同黛黛一齊喺2003年選港姐，識咗佢13年都真係情同姊妹，等咗佢嫁好耐！」又指自己心裏流着開心的眼淚。問可會到意大利觀禮，現正佗B的她就指未能出席，故感到非常可惜：「我佗B仲嘔緊呀，等佢返嚟再搞」至於李施嬅就指接新娘時搞笑多過感動：「佢哋拍咗拖四年，兩個平時都好搞笑，啲兄弟都好好，叫佢哋做乜都好肯做。（會去意大利？）想，但有工作在身去唔到。」
從相片可見，呢個接新娘儀式有別於近年穿金戴銀嘅潮流，戚黛黛絕對冇將龍鳳鈪金豬等行頭掛喺身上邊，成個儀式都以溫馨為主，成個儀式簡潔而隆重。
來源 source: http://hk.on.cc
|
鍾意就快D Share啦！
|
|
|