對於鄭紹康話搵律師傾有關事宜，蘇永康（左）話無任歡迎，仲話：「我律師都等緊佢。」
蘇永康接受電話訪問時，對於著名公關鄭紹康（Francis）出席會展的時尚超模大賽時，表示因蘇永康的言論影響其個人誠信，故已跟律師「傾下一步點做」，蘇永康在電話中表示：「我律師都等緊佢，歡迎呀，我位御用大律師叫陳惠源先生，香港有好好嘅法律機制，不過首先我要問候吓鄭紹康先生，要叫佢全名先叫做尊重，我祝佢身體健康、身心康泰。（你之前都話係誤會，但事件沒完沒了，會否覺得好煩？）唔煩，煩到鄭紹康先生啫。」
談及在網上不少人表示支持他，更有人封他為「英雄」，蘇永康表示：「我知呢個（英雄）post，好多公關界同朋友瘋傳緊，多謝大家嘅支持，我要多謝我嘅朋友，其中一個可以開名嘅係黃偉文，但亦有人支持鄭紹康先生嘅，呢個世界一定有正、反兩面，呢個社會各為其主啫，咁鄭紹康先生喺呢行都咁有資歷同成就，不過如果我令佢不安嘅，我都祝佢身體健康、身心康泰。」
來源 source: http://hk.on.cc
|
鍾意就快D Share啦！
|
|
|