掃呢頁CODE去手機

2016年9月24日 星期六

【爆相爆片】Anjaylia食麵摸面珠冧爆闊少 __,Anjaylia,陳嘉寶,

【爆相爆片】Anjaylia食麵摸面珠冧爆闊少【甜蜜開餐】■陳嘉寶日前跟男友Epaphras在銅鑼灣食車仔麵期間,一度情深摸男友面珠。讀者提供圖片入行多年形象純過蒸餾水的「邦民女」陳嘉寶(Anjaylia),雖然其闊少男友Epaphras有半億身家,但Anjaylia卻喜跟男友出入平民食肆。日前有讀者發現Anjaylia與男友到銅鑼灣榮記搭枱食車仔麵,生活十分貼地,情到濃時她還摸男友面珠,表現甜蜜 ...


【爆相爆片】Anjaylia食麵摸面珠冧爆闊少



【甜蜜開餐】

■陳嘉寶日前跟男友Epaphras在銅鑼灣食車仔麵期間,一度情深摸男友面珠。讀者提供圖片

入行多年形象純過蒸餾水的「邦民女」陳嘉寶(Anjaylia),雖然其闊少男友Epaphras有半億身家,但Anjaylia卻喜跟男友出入平民食肆。日前有讀者發現Anjaylia與男友到銅鑼灣榮記搭枱食車仔麵,生活十分貼地,情到濃時她還摸男友面珠,表現甜蜜。Anjaylia昨日表示愛到平民食肆開餐:「魚蛋車仔麵都好好食吖,我鍾意呢啲多過食翅。」

現年26歲的「邦民女」陳嘉寶,前年宣佈跟圈外男友黃頌祈(Epaphras)拍拖以來,不時被發現孖住出巡晒恩愛。有指Epaphras比Anjaylia大八年,家族至少擁有七個物業,身家半億,雖然Anjaylia與男友已共賦同居,但她曾表示與男友也是虔誠基督徒,所以不會有婚前性行為,僅會錫錫拖手,作情侶拍拖正常動作。



【搭枱唔嬲】

■當兩位女士搭枱時,Anjaylia即顯得避忌不敢再有親暱舉動。



【小鳥依人】

■Anjaylia吃飽後托頭望着男友食麵。

「鍾意食麵多過翅」

儘管男友有半億身家,Anjaylia也未有要求男友跟自己出入高級食肆,反而愛到平民食肆撐枱腳,甚至曾被本報發現二人拍拖搭電車,日前二人更被發現孖住到銅鑼灣食車仔麵,生活十分貼地。

讀者黃先生透過本報「爆相爆片」報料,指日前傍晚7時許目擊Anjaylia與男友Epaphras在銅鑼灣榮記撐枱腳食車仔麵,當時二人坐在角落位置,Anjaylia與男友食麵期間更一度摸男友面珠和頸,十分甜蜜。不過,由於晚飯時間人流較多,不久便有兩位女士搭枱,Anjaylia即表現避忌,不敢人前再跟男友做親暱動作。

對於捨棄高級餐廳跟男友在平民食肆開餐,Anjaylia昨在電話中回應說:「其實我乜都食,好食就食,車仔麵我成日都去。我哋都係普通市民,都係做番日常生活會做嘅嘢,如果做嘢就會着到好靚化到好靚,去啲好靚嘅地方,唔係做嘢大家都係過番啲普通人生活。」是否享受普通市民的拍拖生活?Anjaylia笑說:「都係嘅,不過有時周年慶祝、朋友生日聚會,耐唔耐都會去啲靚啲嘅地方,但平時覺得自己都係普通人,都會去一啲自己鍾意食嘅地方,同埋魚蛋車仔麵都好好食吖,我鍾意呢啲多過食翅。」



■Anjaylia 09年接拍邦民廣告,是第三代「邦民女」。資料圖片



■惜肉如金的Anjaylia曾在Ig貼做運動相騷身材。

讚男友靠自己創業記者指她男友有錢,但似乎不喜在有錢人地方出入相當平民化,Anjaylia說:「佢好努力做嘢嘅,以前細個都係做modeling賺錢,跟住自己創業,一路投資,同埋佢唔係一個大使嘅人,我哋大家相處同埋鍾意大家嘅地方,係大家都好實際同埋好努力,有時唔係一定貴嘅嘢先至好㗎嘛。」有Anjaylia這種慳家女友,相信不少男士對Epaphras又羨慕又妒忌。此外,月前Anjaylia跟合作多年經理人公司約滿,她昨日表示現正物色新經理人公司。

採訪:唐心悠、魯吉


鍾意就快D Share啦!