【短片】【又關王宗堯事】迫拍口交戲？ 莊端兒唔明諸葛點解唔保護女藝人
2016-09-24 11:10:00 HKT
人生如戲…有時真係好睇過煲劇…好似Steven個舊愛—莊端兒咁!日前忽然開記招，交代同Steven「被分手」一事，又爆出同（前）經理人諸葛紫岐擘面，單方面解約，「有人想我做一啲超越咗我底線嘅」（新聞連結： http://bit.ly/2csgCjd）。
有傳媒指原來係莊端兒嘅前經理人公司星韜國際娛樂文化（諸葛紫岐做老闆）想佢接拍由王宗堯執導嘅《作家的謊言》，由於戲中有做愛同口交場面，莊端兒認為電影內容尺度已經超越自己嘅宗教底線而拒拍(新聞連結：http://bit.ly/2dorPOH)。《蘋果》就呢件事搵咗王宗堯回應：「我仲以為件事完咗，估唔咁大件事，仲要係關我事。」
莊端兒早前聲稱公司要佢做啲「超越底線」嘅事，今日《蘋果》問埋莊端兒，佢直認係唔肯拍口交戲，講明經理人諸葛紫岐一早知佢係基督徒，亦知莊端兒唔接受演口交嘅戲份。
問到莊端兒呢個係唔係佢同諸葛紫岐解約嘅最大理由，佢就話：「呢個唔係，呢個係其中一樣，當初我睇到個劇本係有性愛同口交場面，咁我真係推咗(辭演)，跟住佢要我再俾原因佢，我對佢講其實我係一個對宗教有信仰嘅人，我唔想拍，就係咁，我唔明白一個經理人，點解一位女藝人唔會保護另一位女藝人，佢再出信要你解釋點解你因為一個宗教而唔拍性愛同口交嘅場面，呢個係其中一件事。」
來源 source: http://hkm.appledaily.com
|
鍾意就快D Share啦！
|
|
|
