ViuTV節目《美選D.n.A》即將播出，大家就算未必認得晒20位後選佳麗，都一定記得有一位翻版「巨胸黃翠如」，佢就係現年18歲、擁有F級身材嘅鄧月平（Larine）。日前ViuTV上載咗一條令人睇到嘩聲四起嘅宣傳片，片段入面Larine着住運動小背心表演拳擊，搞到三位大會評審方力申（小方）、火火同郭偉亮（Eric Kwok）睇到眼都凸埋，有幾犀利？睇落去你就知！
Larine話火火曳曳
一開場充滿活力嘅Larine彈吓彈吓咁跳出場，見到佢咁活潑可愛，火火即刻忍唔住嘩咗出聲，仲好抵死咁話：「你蹦蹦跳咁走出嚟，搞到叔叔都有啲眼花。」已為人夫嘅火火仲要求Larine以後揸咪要放埋一邊，唔好放中間（小編：點解？自己諗啦。），認真大膽，完全唔怕畀老婆扭耳仔，連Larine都話佢曳曳呀！
表演完仲要拉筋
之後就到重頭戲才藝表演嘅環節，Larine同男助手示範拳擊，見Larine左一拳右一拳，仲起埋飛腳，觀眾嘅視線都跟住佢「跌蕩」嘅身材移動，正當大家睇得興高采烈嘅時候，鏡頭一轉，就見到三位男士同樣睇到笑晒口，仲手指指咁添。呢個時候方力申突然臉色一變，好似見到哥斯拉襲地球咁，之後就聽到Larine話：「Sorry，我拉吓筋先！」全場即時起哄，其實方力申又唔使咁驚嘅，話晒曾經都係游泳港隊，女仔拉吓筋都咁大反應，嚇親Larine㗎嘛！以為咁小兒科，Larine又點會令大家失望，佢先嚟踎低左右拉筋，盡情展示佢獨有嘅六吋事業線，之後再彈起身（係彈呀吓），最後嚟多個擘腿加向後拗腰、難度9.9分嘅動作，令到全場拍爛手掌，Larine你係得嘅！
網民大讚
一眾網民大讚Larine演出精彩，話隔住個Mon都感受到佢對表演嘅熱誠，仲話三個大會評審認真幸福，可以現場睇到令人拍案叫絕嘅表演，羨慕妒忌勁恨咁話喎。
網民有話兒：
WinXXXXung ：假如係超級性感女性選舉，sure win.
LinXXXXXong ：僅僅分半鐘，猛覺選美show從未如此過癮，ViuTV好嘢！鄧月平條件十足，掂！
ChXXXXXkit ：叫月平？嗯……一啲都唔平
FrXXXXXng ：今次D奶唔係假
KeXXXXKo： 方力申對眼識發光
|
鍾意就快D Share啦！
|
|
|
