55歲嘅秋生打起拳上嚟，依然剛勁有力。
藝人黃秋生近日再度戴上拳套，重拾年輕時的拳擊興趣，已55歲的他拳腳雖依然剛勁有力，但正如他自評氣力所限已難作持久戰，面對「拳怕少壯」的局限，讓他有更多五十而知天命的體會，對過去三年沒拍戲的日子亦更加感恩！
唔敢打搏擊：爆鼻點算？
黃秋生對武術的興趣始於少年時，雖然打拳乃「No Country for Old Men」的活動，但年逾五十的他說：「我16、17歲嗰陣睇日本漫畫，覺得西洋拳好勁就去學，玩咗兩年幾，另外都學過劈卦、空手道、太極、詠春。（試過實戰？）後生時打唔少，試過用空手道將人一拳KO，依家幾廿歲人打番拳，體能爭好遠，冇氣！心態亦都唔同咗，要切磋嘅細個切到夠晒，依家搵個沙包打吓當運動算，唔會打搏擊，萬一打爆個鼻點算？上次練完拳我都病咗十幾日，可能一身汗濕住個身行街吹冷氣凍親」
踢沙包腳腳攞命
秋生邊自嘲用腳踢沙包，腳腳攞命，旁人會看成是他對過去三年沒拍戲的一種宣洩，但他卻說出另一留感受，他說：「練武可以將膚淺提升，令人有好多領悟，回顧過去兩、三年我非常珍惜，因為嗰時身體開始差，再唔停接工作，打Botox都補唔番，加上我需要多啲時間照顧媽媽，好感謝有呢幾年時間畀我，等我檢視自己，呢個唔係金錢或工作上可以得到嘅回報，我係有嘢做就做嘅人，我享受呢段時間，但我都唔知跟住落嚟會點，如果人生乜都唔做先係停頓、浪費，但你可以填滿每分每秒，塞車唔好坐喺度，睇吓書！所以我好忙好多嘢做！」
場地：FFG Martial Arts & Fitness Center
來源 source: http://hk.on.cc
|
鍾意就快D Share啦！
|
|
|
