網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月9日 星期五

【獨家有片】着鹹菜孖煙囪 甩拖林作同比堅尼索女池邊嬉戲 __,林作,

林作同麥明詩呢排好hit,拍拖、過冷河、攤牌、復合、分手……每個階段,都總有雜誌、報紙跟進再跟進。「作詩戀」糾纏多時,日前,本報獨家宣告二人正式斬纜。麥明詩親口將林作降落「朋友」等級。林作三個月前向索女律師Victoria炒牌,無庸置疑係引發連串風波嘅觸發點,加諸女方連日俾人影到人前垂淚,人後痛哭。林作負心男形象更為凸顯。強調配合麥明詩所講所說嘅林作,噚日出席活動時,盡可能避談女方,更形容雙方由始 ...




其他影片:>>






林作同麥明詩呢排好hit,拍拖、過冷河、攤牌、復合、分手……每個階段,都總有雜誌、報紙跟進再跟進。「作詩戀」糾纏多時,日前,本報獨家宣告二人正式斬纜。麥明詩親口將林作降落「朋友」等級。林作三個月前向索女律師Victoria炒牌,無庸置疑係引發連串風波嘅觸發點,加諸女方連日俾人影到人前垂淚,人後痛哭。林作負心男形象更為凸顯。強調配合麥明詩所講所說嘅林作,噚日出席活動時,盡可能避談女方,更形容雙方由始至終只係朋友關係……既然控球權唔喺自己手上,少說為妙當然係上上之策!又既然,喺巴西做奧運期間,麥明詩已向男方提出分手,被判做單身嘅林作,對住索女,玩起上嚟就更加放!上個月中(13 日),林作俾《蘋果》讀者王小姐透過本報「爆相爆片」,影到佢喺淺水灣The Pulse頂樓嘅露天酒吧Cabana狂歡,身邊比堅尼索女o氹o氹轉,身處花叢堆嘅林作,拎住枝酒四圍貢,盡情享受眼前春光明媚。王小姐就話:「嗰日見到佢哋大約有50人,包咗大半個場玩,林作大部份時間同啲女仔嘻嘻哈哈,不過佢都好守規矩,見唔到佢有攬女。」從王小姐提供嘅相中,林作當日着住條粉藍色、形態十足條陳年鹹菜嘅孖煙囪泳褲,加上光管雙腳上嘅小肥腩、同招牌蓬鬆打風頭,package認真一般般,不過你咪理,挾住牛津再加大律師銜頭嘅佢,依然有唔少靚女主動埋身撩傾偈,難怪喺相中,林作係幾咁心花怒放!對於同比堅尼索女喺酒吧池邊嬉戲,林作噚日出活動時就講笑話:「我都想知邊個『衰人』影我囉,當日都係清一色律師朋友,我拎枝香檳都係for影相,我強調我條泳褲好靚,以後都會着好耐。」問到佢係咪特別受異性歡迎?林作就好坦白話:「唔係,自己外貌都唔係咁出眾!」問佢使唔使向身邊人備案,林作就話:「我不嬲好自由,唔會避忌,人係需要自由,社會需要自由,香港人都需要自由。」知知知,知你o依家好自由

(讀者王小姐提供圖片) 呢位阿生,你條咸菜孖煙囪咩事先?(讀者王小姐提供圖片) 咦喂!林作嚟喎!(讀者王小姐提供圖片)
好開心咁噃!(讀者王小姐提供圖片) 仲同外籍女士有傾有講喎(讀者王小姐提供圖片) 麥明詩親口將林作降落「朋友」等級

鍾意就快D Share啦!