掃呢頁CODE去手機

2016年9月14日 星期三

【速食Cammi】奸完又姦 王浩信改邪歸正《EU超時任務》穩坐視帝 __,王浩信,謝芷蕙,Cammi,

今年33歲,生於小康之家嘅王浩信,中五時屋企破產,母親不幸患癌。當年喺美國讀書嘅佢毅然結束學業,返香港撐起頭家。20歲簽唱片公司做歌手,可惜時也命也,惟有轉戰做藝員,08年加入TVB,拍過不少劇都係演紈褲子弟,好似有啲生不逢時。但咁靚仔,冇理由冇人賞識。直至2013年,SignalWong拍《法外風雲》俾心姐謝雪心星足23巴掌,令不少觀眾留下深刻印象,嗰陣王浩信仲因為太投入角色,產生憂鬱……可惜「 ...




其他影片:>>






今年33歲,生於小康之家嘅王浩信,中五時屋企破產,母親不幸患癌。當年喺美國讀書嘅佢毅然結束學業,返香港撐起頭家。20歲簽唱片公司做歌手,可惜時也命也,惟有轉戰做藝員,08年加入TVB,拍過不少劇都係演紈褲子弟,好似有啲生不逢時。但咁靚仔,冇理由冇人賞識。直至2013年,Signal Wong拍《法外風雲》俾心姐謝雪心星足23巴掌,令不少觀眾留下深刻印象,嗰陣王浩信仲因為太投入角色,產生憂鬱……可惜「車巴信」個樣生得花弗,難免令人以為佢博宣傳,加上命犯桃花,婚前婚後一樣緋聞多多,婚前被爆食過(傳)Cammi BB,婚後又傳背妻偷食黃心穎,仲傳過與妻陳自瑤情海翻波搞到要分房瞓添!好事不出門,王浩信前年加簽5年新約,食住小生逃亡潮獲力捧,仲喺《樓奴》同《EU超時任務》擔正,諗住憑爆肌賣肉嘅《東坡家事》攞男配角獎,點知輸俾韋家雄。有傳王浩信搵人訴苦嗰陣,傳到極高層耳中,呻兩句竟變發老脾,結果喺新劇《致命復活》角色貶為大配角。好似突然間成個天塌落嚟……你以為。真係有俾心機演戲嘅王浩信,喺《EU超時任務》裡面飾演村長「渠頭」,表現真係令人「叮」一聲。操得一口流利圍頭話,西裝皮鞋襯花恤衫,一舉一動維肖維妙,明顯下過苦功,特別係當佢最後一次穿越、重遇朱千雪嗰下,表面上係重演第一集嘅情景,但王浩信係唯一帶住回憶的人,而朱千雪已經乜嘢都唔記得……王浩信嗰滴淚,攞唔攞到視帝,就靠呢舖。《EU》套劇雖然真係有唔少Bug,而且亦集各劇「抄考」之大成,但套劇用心拍攝大家都睇得見。而王浩信除咗演技日趨成熟之外,成個人都成熟好多,由以前吊兒郎當look到依家成為愛妻號湊女公,事事以妻女為上,早前帶埋一家人去越南旅行,又親為索爆老婆影咗唔少噴血丁圖。夫妻同心,仲有唔少商品搵上門贊助添!車巴信,生生性性,睇好你0架!

呢一滴淚,真係相當催淚… 《EU》大結局,朱千雪為救王浩信而死,呢個化妝相當出色。 《EU》另一個重點…
究竟朱千雪最後記唔記得番渠頭? 《名媛望族》俾松哥摑
《法外風雲》又俾心姐摑 以前嘅王浩信,不時要拍呢啲角色,總係冇好人做。
仲記唔得《貓屎媽媽》嘅任嘉政?呢個角色可以話係成功將王浩信「正面」形象帶返入屋。
出自王浩信手筆,索! 都係出自王生手筆,但點解好似細小咗…
被拍得載Cammi BB返家短聚五小時… (資料圖片)

鍾意就快D Share啦!