後
掛住張太名分的蘭茜，似有名無實，生活隻影形單。不過箍了牙，做咗少少奶的她，確實比以前靚咗。
探熱針
秘嫁富貴住樂活道 西瓜刨 DJ蘭茜死忍老公黐富婆
九十年代同填詞人黃偉文拍住上，以一棚哨牙為標記的商台 DJ蘭茜（原名簡詠嫻）， 06年淡出後絕跡娛圈，行蹤神秘。據悉她已低調出嫁，更由屋邨搬到跑馬地豪宅。
嫁得富貴，但婚姻關係並不如意，甚至有指老公 Johnny Cheung與一名富婆出雙入對。不過，面對婚姻有風浪嘅蘭茜卻死守崗位，希望老公有日回頭。
哨牙不見了
○六年，蘭茜由廣播界轉職公關，但做唔夠一年，便辭工重返校園。
「蘭茜當年轉行都好突然，冇做 PR之後就去咗讀書，○六年喺港大讀咗個人類學碩士學位，又讀過珠寶鑑定，除咗楊寶玲同黃偉文，其他舊同事都好少同佢有聯絡，真係冇乜人知佢近況，好低調。」知情者說。
日前在豪宅離開去跑馬地的蘭茜，白恤衫襯杏色褲，打扮斯文的她戴住副大眼鏡，一棚哨牙已不復見，反而多了幾分書卷味。
在咖啡店會合父母一齊飲下午茶後，蘭茜便與兩老分道揚鑣，一個人由跑馬地慢慢行返去位於樂活道、只有三層高的老牌豪宅屋企。
老公搭上人妻
據了解，蘭茜淡出娛圈後不久，便與圈外富貴男友 Johnny Cheung結婚做少奶奶，平日生活以到古董店尋寶畫水墨畫外，又升呢攞埋香港大學人類學碩士學位。不過闊太唔易做，雖已為人妻，但蘭茜不時都打單泡。
「 Johnny都喺商台做過，屋企都有啲錢，佢哋識咗好多年，結咗婚之後，蘭茜就搬咗去樂活道。雖然成個富貴晒，但婚後幾年， Johnny就同咗個近四十歲富婆行得好密，仲一齊做生意，呢段關係好折磨，不過蘭茜冇放手，就算老公好多時唔返屋企，佢都忍住唔出聲。一來佢老公冇話要離婚，二來同老公一齊近廿年唔捨得，希望可以等到佢哋斷纜。」知情者說。
楊寶玲遊埠鐵腳
有老公等於冇老公的蘭茜，生活不缺物質享受，多年來，她不時孖住老友楊寶玲出埠散心。「 Pauline（楊寶玲）同前夫（第二任老公 Nelson Wong）喺美國住，成日都話悶要出埠玩，咁蘭茜唔使陪老公又冇做嘢，有嘅係時間，所以佢係 Pauline嘅鐵腳。」
除了陪玩，蘭茜亦不停搵嘢學，包括學水墨畫消磨時間。
「佢而家係香港書畫學會及香港婦女文化藝術協會執委，佢啲畫好有水準，亦參加過畫展，除咗畫，佢對古董都有啲研究；有時又會幫啲慈善晚宴做司儀，生活都好阿太！」知情者說。
見記者搵路走
上星期三，中秋節前一日，蘭茜陪媽咪行街市買餸，見到記者，猶如見鬼一樣。
對於婚姻狀況，蘭茜左閃右避，只一味答：「中秋節快樂！」之後更亂衝亂撞，搵路走！
刨西瓜最經典
蘭茜擅辭令，加上一棚「哨牙」又唔介意醜化自己， 99年被曾志偉睇中，邀請她做第四輯《驚天動地獎門人》其中一位「獎老」，「獎門人」更經常俾位蘭茜在節目中玩「刨西瓜」，盡展所長，令觀眾留下深刻印象，入晒屋！
06年， TVB安排蘭茜與李璨琛、林曉峰等合作主持遊戲節目《遊戲天王》，可惜收視及口碑均欠理想。
楊寶玲一手改造
淡出幕前後，低調的蘭茜仍有聯絡的圈中人有限數，往來最密是當年一起在新城主持《三個女人三個八》的舊拍檔楊寶玲。 15年，楊寶玲翻撻初戀男友三度出嫁，於美國舉行婚禮，蘭茜亦有份送嫁。事實上，蘭茜當年改 look，也是楊寶玲一手教路。
打破聲演界限
蘭茜在城大讀二年級時加入商台兼職做 DJ，與當時的軟硬天師主持《妖獸都市 Gala Gala Happy》，取名蘭茜夫人，也曾與黃偉文（ Wyman）拍檔，是九十年代的當紅 DJ。
94至 95年間，蘭茜孭飛的《蘭茜夫人劇場》廣播劇，廣邀歌手演員擔任男女主角，突破電台廣播劇只有聲演的限制，將大結局以舞台劇及音樂會方式搬上舞台，開創先河。
90年代末，蘭茜跳槽新城 997後，開始轉型做才女，更加箍埋牙大變身，其時她主持的《三個女人三個八》、《投資學堂》及《一個靚墟》，均為聽眾熱捧。
01年新城大改革，蘭茜被調往財經台主持遊戲節目，到離新城後，便逐漸絕跡娛圈。
撰文、攝影、攝錄：娛樂組
|
鍾意就快D Share啦！
|
|
|
