睇上半場入波片段，即到SO東波：http://bit.ly/2cKVLDR
20:49更新
【狐狸入波】59分鐘，李斯特城後備入替嘅迪馬雷格雷，為客隊入番一粒，追到1:4。
20:30更新
李斯特城下半場收起兩大主力馬列斯及占美華迪，換入安迪京治及迪馬雷格雷，似係為周中歐聯對波圖留力。
20:20更新
【半場總結】今晚英超早場「魔狐」大戰，曼聯主場惡鬥李斯特城，「紅魔」主帥莫連奴當機立斷，今仗棄用愈踢愈曳嘅隊長朗尼，一開波即撳住嚟搶，初段先有伊巴謙莫域車身抽出，22分鐘今仗做隊長嘅基斯史摩寧，接應戴利白蘭特嘅角球頂入成1:0。曼聯領先後得勢不饒人，去到37分鐘，曼聯一次美妙配合，桑馬達先交畀普巴，普巴再彈畀連格，連格再傳番畀入楔嘅桑馬達射成2:0，用入波慶祝自己第150場英超正選上陣，40分鐘佢接應角球再橫傳拉舒福特近門整多粒，2分鐘後普巴接應角球頂成4:0，亦係呢位天價中場今季回歸紅魔後嘅開齋波，上半場遙遙領先4粒。
20:15更新
半場完，曼聯半場炒李城4比0，開出80倍半場波膽「4:0」，史摩寧首名入球30倍。
20:12更新
【入波】42分鐘，保羅普巴首個紅魔入球，曼聯半場遙遙領先4比0。
20:10更新
【入波】40分鐘，福仔接應桑馬達傳中射入，曼聯3比0。
20:07更新
【入波】37分鐘，桑馬達先交畀普巴，普巴交畀連格，隨即傳畀入楔嘅馬達，佢立即射門應聲破網，曼聯2比0。
19:57更新
27分鐘，伊巴謙莫謙禁區內前胸控定，球不著地快腳射波高出，曼聯仍領先1比0。
19:52更新
【入波】22分鐘，今場做隊長嘅基斯史摩寧接應白連特角球頭槌入波，為曼聯領先1比0。
19:46更新
16分鐘，李斯特城增加壓力，連環施射，惜最終侯夫右路射高，雙方仍然0比0。
19:37更新
7分鐘，桑馬達右路出波，李斯特城後衞頂高，伊巴謙莫域車身射波，可惜抽高。
19:30更新
【開波】桑馬達第150場英超正選！
18:30更新
【有陣】今晚英超頭場爆發「魔狐」大戰，由「紅魔」曼聯主場硬撼「狐狸」李斯特城，亦係兩位前車仔教頭莫連奴同雲尼亞里嘅大對決，「紅魔」近4仗輸咗3場，莫帥備受壓力，今仗正選除咗有伊巴謙莫域及保羅普巴壓陣外，終於跪低棄用近況曳爆嘅隊長「月巴」朗尼，希望求變轉運。另一邊廂，李斯特城門神卡斯柏舒米高受傷，今仗續由薛拿把關，前線由占美華迪拍住上仗聯賽省兩粒嘅新兵施利文尼。
曼聯正選陣容
門將：1迪基亞
後衞：25路爾斯華倫西亞、3艾歷拜利、12基斯史摩寧、17戴利白蘭特
防中：21安達靴里拉、6保羅普巴
中場：14連格、8桑馬達、19拉舒福特
前鋒：9伊巴謙莫域
李斯特城正選陣容
門將：21薛拿
後衛：17丹尼森遜、5韋斯摩根、6賀夫、28基斯甸富治斯
中場：26馬列斯、4真禾特、13艾馬迪、11馬克艾拜頓
前鋒：9占美華迪、19施利文尼
18:00更新
今晚英超Super Saturday爆發名帥混戰，先有頭場曼聯主場硬撼「狐狸」李斯特城，兩軍主帥莫連奴同雲尼亞里嘅恩怨一疋布咁長，2004年「寸王」接替被炒嘅雲尼亞里執教車仔後名揚天下，仲狂寸雲帥冇攞過重要錦標，但上季雲帥協助李城神奇地喺英超封王，真係風水輪流轉，依家紅魔近4仗輸3場，搞到「寸王」帥位危危乎，雲帥隨時趁機踩多腳。
至於壓軸尾場上演倫敦打吡，由阿仙奴火併車路士，適逢雲格執教兵工廠20周年，梗係想擊敗死敵贈興喇，不過車仔新帥干地最鍾意搞寸Party，今夏歐國盃率領人腳麻麻嘅意大利，淘汰衞冕嘅西班牙進身8強，加上干地激情四射多計，與cool爆雲格呢場「冷靜與熱情之間」嘅對決，好睇過戲。
SO東波同你追實體壇每個精彩時刻！
http://on.fb.me/1PWMCFH
|
鍾意就快D Share啦！
|
|
|