2016年10月1日 星期六

萊德盃 活士搵咗105億 為高球任你玩 __,

「活士,幫我買份蛋牛治同凍檸茶,記得少甜。」你冇聽錯,世界其中一位最高身價運動員,高爾夫球巨星老虎活士,近日真係做緊外賣仔。自1996年轉打職業後,活士總收入估計為13億5,000萬美元,折合港幣約105億。堂堂巨富紆尊降貴做外賣仔,為的是國家榮譽,及自己獻身的運動的團隊精神。今日於明尼蘇達州舉行萊德盃高爾夫球賽,由美國隊迎戰歐洲隊。活士因背傷未能上陣,轉移角色做美國隊隊長DavisLove助理, ...


「活士,幫我買份蛋牛治同凍檸茶,記得少甜。」你冇聽錯,世界其中一位最高身價運動員,高爾夫球巨星老虎活士,近日真係做緊外賣仔。

自1996年轉打職業後,活士總收入估計為13億5,000萬美元,折合港幣約105億。堂堂巨富紆尊降貴做外賣仔,為的是國家榮譽,及自己獻身的運動的團隊精神。

今日於明尼蘇達州舉行萊德盃高爾夫球賽,由美國隊迎戰歐洲隊。活士因背傷未能上陣,轉移角色做美國隊隊長Davis Love助理,打理雜務,當中就包括買外賣,令球員可以隨時醫肚,專心打好波。

Davis Love表明,球員都係大哥,佢同活士一定做足跑腿工作,「火雞三文治係美國隊員至愛,我同活士必須保證:一有柯打,盡速送到。」

活士雖然攞過14個重要大賽錦標,但一樣好玩得。美國公開賽新科盟主Jimmy Walker表現有活士做跑腿,對一班球手士氣起巨大幫助,「我希望同一班隊友不停點佢,去完東再去西,咁就好玩囉!」

早前影球員團體照時,活士忘記自己非球員身份,走埋去影相,被提醒要行開,佢非但冇唔開心,仲顯露可愛笑容。呢位身價不菲「外賣仔」,的確享受其新角色。

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...