掃呢頁CODE去手機

2016年10月1日 星期六

張名雅陳庭欣姊妹決裂? __,庭欣,張名雅,陳庭欣,

陳庭欣否認是爆料者,唔擔心畀人背後講壞話。
張名雅陳庭欣姊妹決裂?前港姐冠軍張名雅上月初風光出嫁,金器嫁妝至少80萬港元,但最近有姊妹爆料不滿開門利是不足五位數,「二五女」矛頭直指姊妹之一陳庭欣!雖然庭欣隨即否認爆料,但名雅則直言已得知「真兇」是誰兼解散姊妹GroupChat,問到「疑犯」是否庭欣時,她未有為對方闢嫌兼大嘆:「結果令我有啲失望!」陳庭欣否認是爆料者,唔擔心畀人背後講壞話。前港姐冠軍張名雅上月初與律師男友蔡錦豪(Joe)舉行婚 ...


張名雅陳庭欣姊妹決裂?

前港姐冠軍張名雅上月初風光出嫁,金器嫁妝至少80萬港元,但最近有姊妹爆料不滿開門利是不足五位數,「二五女」矛頭直指姊妹之一陳庭欣!雖然庭欣隨即否認爆料,但名雅則直言已得知「真兇」是誰兼解散姊妹Group Chat,問到「疑犯」是否庭欣時,她未有為對方闢嫌兼大嘆:「結果令我有啲失望!」

前港姐冠軍張名雅上月初與律師男友蔡錦豪(Joe)舉行婚禮,她當日連環晒名貴行頭,早上接新娘時更掛滿30多隻龍鳳鈪,估計金器已值80萬港元,一眾姊妹狂晒相開心Share,但想不到竟有手尾跟!事後傳出有人爆料指開門利是不到五位數,有姊妹嫌少!當日姊妹團包括陳庭欣、唐貝詩、何傲兒、譚凱琪及何佩珉等女星,有傳名雅即在朋友圈中緝兇,對誰是爆料內鬼已心中有數,並於昨晨解散姊妹訊息群組,姊妹情正式決裂!

刪前最後一句:有緣再聚

今次矛頭直指人脈甚廣的庭欣,昨日到荷里活廣場出席《台灣莊養生美食節》活動時開腔回應開門利是風波:「冇再討論唔係事實嘅嘢收到最新指令係話已經知道內鬼係邊個,名雅仲喺Group Chat度講咗句有緣再聚,就Delete咗個Group,大家冇再討論。名雅又唔喺香港,等佢返嚟先依家問好似好八咁!(唔使提防吓個內鬼?)唔使!我又未結婚,知道唔係自己就得就算嗰個人有講都唔係有心,亦唔係事實全部。」早前庭欣自爆有好友即將結婚,繼而被查出待嫁新娘原來是名雅,令人懷疑今次事件中她的嫌疑頗大,但庭欣再強調當日沒有開名爆出是名雅結婚:「做呢行係誇張啲,都唔擔心有人喺背後講壞話嘅。(畀人出賣過?)都係一啲誇張手法嘅報道囉!」講到好姊妹紛紛結婚,庭欣直言尚有一年才到「三字頭」,之後才會計劃人生大事。

張名雅對「內鬼」心知肚明,不想再勞氣。
  • 張名雅對「內鬼」心知肚明,不想再勞氣。
張名雅大婚當日,個個姊妹收利是鬼咁開心,點估到事後連姊妹都冇得做!
  • 張名雅大婚當日,個個姊妹收利是鬼咁開心,點估到事後連姊妹都冇得做!
張名雅掛滿30多隻龍鳳鈪風光出嫁,開門利是冇理由慳啩!
  • 張名雅掛滿30多隻龍鳳鈪風光出嫁,開門利是冇理由慳啩!

女主角名雅昨日接受本報訪問時直言,已知道誰是「二五女」,但未有因而影響心情:「知道係邊個,姊妹都清楚知道個數有五位數,因為大家確實係分咗開門利是!我都係嗰句,冇所謂!最重要係開心事,我都冇嬲!」但又若有所指:「只係覺得仲有好多好好朋友,最緊要做好自己,謊言一定自破!」問到有否覺得庭欣是「疑犯」?名雅未有為對方闢嫌:「唔講我都係想單純咁相信唔會係任何一個,只係結果令我有啲失望!」對於名雅暗有所指,庭欣在電話中再作澄清,並指不怕被懷疑:「呢件事唔會影響我心情,懷疑同事實係兩回事,我完全冇興趣去『捉鬼』,我亦認為名雅唔會咁無知!」

唐貝詩:唔係事實(爆料)!張名雅講咗對我哋姊妹團好有信心,我都唔會過問。當晚好多感動位、好多喊位係好大回憶,啲閒言閒語可能係媒體炒作啫!陳庭欣係好直率嘅人,咩都會講但唔會講啲傷人說話,對佢好有信心。
  • 唐貝詩:唔係事實(爆料)!張名雅講咗對我哋姊妹團好有信心,我都唔會過問。當晚好多感動位、好多喊位係好大回憶,啲閒言閒語可能係媒體炒作啫!陳庭欣係好直率嘅人,咩都會講但唔會講啲傷人說話,對佢好有信心。
譚凱琪:我真係冇留意呢單新聞,都唔想去理!好多時啲傳聞未必真實,唔需要去考究。張名雅結婚係一件開心事,唔想有咁多是非。(陳庭欣放料?)我唔知個真相,唔會胡亂去猜測。
  • 譚凱琪:我真係冇留意呢單新聞,都唔想去理!好多時啲傳聞未必真實,唔需要去考究。張名雅結婚係一件開心事,唔想有咁多是非。(陳庭欣放料?)我唔知個真相,唔會胡亂去猜測。

緋聞舊愛護航:冇朋友鍾意爆料

雖然「真兇」仍未水落石出,但庭欣的緋聞舊愛翟威廉相信「好朋友」是清白:「成件事就冇簽過保密協定,所以任何人都可以講出嚟。(好信陳庭欣?)我認識咗佢咁多年,基本上我冇朋友係鍾意玩爆料,就算爆咗出嚟都冇着數。」問到有否擔心過「姊妹團」從此決裂?他認真地說:「其實件事好小事!(打電話關心佢?)唔使無謂因為啲無聊嘢阻住佢。」

文:影視組


鍾意就快D Share啦!