熱爆娛樂: 【大陸誘惑大】唔會俾任何嘢影響搵錢 53歲方中信謝絕強國女埋身 _

2016年10月16日星期日

【大陸誘惑大】唔會俾任何嘢影響搵錢 53歲方中信謝絕強國女埋身 __,強國,中國,大陸,方中信,

【大陸誘惑大】唔會俾任何嘢影響搵錢 53歲方中信謝絕強國女埋身	26,514
建立時間 (HKT): 1015 17:50

左圖：方中信右圖：方中信個女

聽日就係《律政強人》大結局，苦等良久，終於正式有第一場法庭戲。可惜，End with the beginning。呢場法庭戲，仲係張強 VS KC，真係睇預告都已經心感興奮。劇集播完，方中信亦早已重返其賺人仔世界。無法子，大陸片商出得起錢，無綫出唔起。其實現實中嘅方中信，都相當「張強」。即係，佢同張強一樣都好鍾意錢。最緊要係搵錢。女人想埋身？好難囉。今日有周刊出咗方中信嘅專訪，同大家分享一個師奶fans們好關心嘅問題——北上開工嗰陣會否好多女埋身？答案係：不會。53歲嘅方中信，於訪問中斬釘截鐵表明，自己一屋女人要照顧：老婆、8歲嘅女、媽媽、家姐，冇嘢比搵錢更重要。方中信講到明，唔會俾任何事影響到佢、令佢搵唔到錢，而佢亦都相當清楚一樣嘢就係，喺大陸，係有好多誘惑，但方中信肯肯定話俾大家聽，佢絕對係唔會同其他女星「有一手」，俾桃色事件拖跨佢搵錢機會。方中信話，雖然佢喺一年裡面，有半年係喺大陸開工，但拍劇閒餘時間，佢絕少應酬，通常同演員食完飯就返家(酒店)。每晚六點，身在香港嘅老婆同個女就會坐定定開定視頻(應該係Facetime啩…)打俾方中信，方中信就影下周圍環境俾妻女睇，最緊要係要令莫可欣知道，佢同邊個食緊飯。「一子錯，滿盤皆落索」，方中信表示自己深明此理，所以，即使一支公長駐大陸，佢都唔會做錯事。「唔想為一時興奮冒呢個險。」仲話自己五十幾歲人，唔想搵一個「小鮮肉」親近。各位師奶fans，可以唔使為莫可欣擔心喇。

《律政強人》周日大結局，終於有一場正正式式的法庭戲。	呢張相，唔呃你，已經係好幾年前。同依家一樣樣。	無諗過為人父母生兒育女，一次「意外驚喜」改變咗方中信想法。　（資料圖片）
方中信自言，決不會因為一次興奮而令自己做錯事。　（資料圖片）	噚日莫可欣帶女行ifc，轉眼囡囡都8歲喇。