卵巢瘤變大 張家瑩食早餐救子宮
■張家瑩兩個月前發現子宮頸細胞病變復發，即到新加坡接受自然療法抗病魔。
■張家瑩（右二）復工後擔任舞蹈學校代言人，日前與蔡國威（左一）出席學校開幕活動。資料圖片
■張家瑩感謝男友給予關心，雙方已見家長，感情穩定。資料圖片
現年32歲、07年亞姐冠軍張家瑩（Grace）去年患上子宮頸細胞病變，並接受手術將變壞細胞切走，估不到兩個月前復發，同時卵巢內的瘤又變大，雙重打擊令Grace擔心子宮不保，最後她到新加坡接受自然療法，閉關兩個月抗病魔。
■張家瑩拍廣告時表現活潑，完全看不出剛病癒。
自然療法Grace表示醫師指她身體病變主要是免疫力差，加上壓力爆煲令情緒受影響，她首要改變生活和飲食習慣，Grace昨日在電話中說：「我長期手腳冰冷，成日感冒發炎，平時貪靚着得性感出event，第二日就病，身體早響起警號。呢次復發，我諗到幾時身體（因婦科病）每部份都要切晒，就擔心到係咁喊。」
Grace續說：「見咗自然療法醫師，佢話每個人生病，一切由腸胃開始，食早餐有『養宮』作用，我聽佢指示，身體情況得以改善。」Grace出關後返港，再往接受超聲波檢查，神奇地子宮情況回復正常，令她激動再落淚，她說：「只要身體好，我條路先可以行更遠。」
男友扶持面對病魔折騰，Grace慶幸身邊有珠寶生意男友J先生扶持：「多謝佢畀咗我好多關心，佢陪我過呢一關，我哋了解深咗。」Grace直認男友有送她訂情首飾及已見家長，感情穩定。
病癒的Grace近日更復工為一間舞蹈學校拍廣告，她以芭蕾舞、拉丁舞和K-pop舞等造型拍攝。Grace謂想學拉丁舞，問到邀誰共舞？她即說：「男朋友啦，不過佢唔識跳舞，希望有機會可以同佢一齊學，一齊跳。」
採訪：陳杰
來源 source: http://hkm.appledaily.com
|
鍾意就快D Share啦！
|
|
|
