掃呢頁CODE去手機

2016年10月15日 星期六

【獨家】又係女女女…陳凱琳《巨輪》結局難逃吳岱融「終極一戰」? __,凱琳,吳岱融,陳凱琳,

【獨家】又係女女女…陳凱琳《巨輪》結局難逃吳岱融「終極一戰」?22,803建立時間(HKT):101500:00#video_player{width:100%;height:100%;}適中字型較大字型唔知大家幾耐冇睇無綫?如果你冇睇劇但又OK想知依家有咩劇,咁,可以話俾大家知,廖啟智同方中信嘅《律政強人》,係無綫(暫時)唯一一部完全冇法庭戲同七角咁亂嘅感情關係嘅劇。暫時唯一一場法庭戲,已經係開 ...


【獨家】又係女女女…陳凱琳《巨輪》結局難逃吳岱融「終極一戰」?

22,803
建立時間 (HKT): 1015 00:00

唔知大家幾耐冇睇無綫?如果你冇睇劇但又OK想知依家有咩劇,咁,可以話俾大家知,廖啟智同方中信嘅《律政強人》,係無綫(暫時)唯一一部完全冇法庭戲同七角咁亂嘅感情關係嘅劇。暫時唯一一場法庭戲,已經係開播之初,方中信同徒弟黃智雯庭上爭辯是否展開死因聆訊。該場戲得五分鐘左右,未見真章,旨在介紹師徒反目。之後嘅廿幾集,都係:爭主席‧權鬥‧投票‧做犯法嘢‧爭主席‧權鬥‧投票‧再投票‧再爭主席咁上下。劇情犯駁到一個點,覺得走火入魔嘅唔係死都要做主席嘅KC廖啟智(無綫個個大狀唔係叫KC就係CK)而係編審。要等到大結局先至有法庭戲。所以啲人話,係《愛‧回家》長劇版。至於感情戲,一滴都無。睇得好舒服。好喇,《巨輪II》呢……犀利囉。《律政強人》就話集集都係爭主席‧開會‧投票‧爭主席;《巨輪II》仲勁,幾乎集集都係強姦。仲係老竇吳岱融想姦個女陳凱琳,又裝佢沖涼、偷窺其睡房一舉一動、之後進擊到想就地正法……《巨輪II》明明賣花生糖0架嘛,搞乜鬼變《亂輪》㗎?????前晚一集,高天鷲(即係吳岱融)又有新玩法。禁錮生無可戀要自殺嘅陳凱琳,再以梁琤條命威脅,迫令佢當住班兄弟面前除衫;陳凱琳條拉鏈拉低少少,吳岱融就露出「垂涎三尺」嘅急色樣。只係除咗外套,吳岱融已經急不及待要捉佢入房又就地正法……以吳岱融嘅急色同變態程度,其實有性上癮嘅唔係現實中嘅張致恒,而係高天鷲。集集都姦,嚟緊結局周,高天鷲又嚟料……今次,又係強姦。又係想姦陳凱琳。據《蘋果》得到嘅「劇透」就係,身在澳門嘅高天鷲,呃咗陳凱琳去酒店,咁,入得酒店,都係嗰啲啦……其實以高天鷲性急程度,根本應該等唔切去酒店。死啦,高天鷲又想強姦陳凱琳,點算好?唔使怕!羅威信(蕭正楠)喺度!原來佢一早就知高天鷲會咁做,於是向司警報案,稱高天鷲犯法,仲報埋料俾佢哋上門拉人。就在這千鈞一髮之際,司警即破門而入……咁結果係點呢?劇透落去,就係田蕊妮同蕭正楠反目。全劇高潮位唔係喺高天鷲嘅下場係點,而係田蕊妮同雪雪雪(即係蕭正楠)拆夥。咁點解反面?因為田蕊妮不滿蕭正楠為咗佈局對付吳岱融,成個變晒,仲搞到報假案最後自己俾人拉。理由好似有啲牽強,但點都係一個理由。最後是否happy ending?係咪齊齊BBQ?提示係,有人喺關鍵一刻彈出嚟,向大家曉以大義……其實只係賣花生糖啫,賣到咁驚天動地兼色情做咩呢?

其實係唔係吳岱融同陳凱琳先係男女主角? 養父睇養女沖涼
即刻抱入房 呢啲床戰,大家之後都會睇到
唔知仲會唔會睇到呢個樣呢? 提一提,蕭正楠先係男主角

來源 source: http://s.nextmedia.com
鍾意就快D Share啦!