好多肉呀喂～
藝人袁嘉敏（Candy）出席美容中心開幕禮，她以性感黑白lace長裙現身，長裙有多個窿窿，事業線、南北球及纖腰盡現。大會更安排了兩個西班牙上身半裸壯男跟她影相，又向她扮錫及送花，氹得她很開心。
鍾意華裔自爆情傷
受訪時談到她的性感打扮，Candy表示是客戶要求，而昨日才知道穿此裙，感到很大壓力。她又透露是真空上陣，因為此裙質地問題不能黐膠紙，問到酬勞可是很好？她則謂是正常價。講到同場有兩個外籍型男，她大讚靚仔，問到可會想跟外國人拍拖？前度是外籍人士的她則謂自己喜歡華裔的，又謂暫時不想拍拖，更憶起情傷，她謂：「因為依家一星期有四日喺內地，驚依家拍又好似變咗之前咁，見唔到面，感情淡，喊到眼腫。」
人前人後兩個樣？
問到上一段感情可是傷她很深？她坦言：「喊咗六十日，兩個月到，好多誤解，佢唔理解私底嘅吓我着T恤牛仔褲，但幕前嘅我就咁sexy，又少相處，多啲溝通好啲，好過佢淨係睇報紙。（下次拍拖想搵圈中人？）下一個一定要搵個知娛樂圈係點嘅人，會明我嘅工作同生活。」
繼續行性感
講到工作，問她可接受再拍三級片？她則謂：「級數唔係最大考慮，要睇劇本，不過我嚟緊都會喺北京拍古裝戲。（性感演出得唔得？）ok，最緊要導演拍到咩效果。」現時在內地工作的她亦謂有很多應酬。
來源 source: http://hk.on.cc
|
鍾意就快D Share啦！
|
|
|
