掃呢頁CODE去手機

2016年10月2日 星期日

楊怡羅仲謙結婚:楊怡提起家姐媽咪即爆喊:一切喺心中 __,羅仲謙,楊怡,

好感動呀!藝人羅仲謙與楊怡今日大婚,一對新約5點左右現身見傳媒。謙謙預告有驚喜講到謙謙想兩年抱三,謙謙即謂:「自己想生女先,自己係做細佬,做細佬好幸福,有家姐係好事,生仔就隨緣,開始中。(即是不設防?)係,開始喇,睇天意!(所以今晚要叫兄弟擋酒?)係呀,叫豹哥、卓羲,佢哋好勁架,我自己平時滴酒不沾,一飲瞓低咗就唔使玩!(準備咗表演?)你哋喺老婆面前問我嘅?」身旁的阿怡即笑說:「即係有驚喜啦,佢開工 ...




其他影片:>>






好感動呀!

藝人羅仲謙與楊怡今日大婚,一對新約5點左右現身見傳媒。

謙謙預告有驚喜

講到謙謙想兩年抱三,謙謙即謂:「自己想生女先,自己係做細佬,做細佬好幸福,有家姐係好事,生仔就隨緣,開始中。(即是不設防?)係,開始喇,睇天意!(所以今晚要叫兄弟擋酒?)係呀,叫豹哥、卓羲,佢哋好勁架,我自己平時滴酒不沾,一飲瞓低咗就唔使玩!(準備咗表演?)你哋喺老婆面前問我嘅?」身旁的阿怡即笑說:「即係有驚喜啦,佢開工好密,真係冇諗過有驚喜。」

接新娘時宣讀愛的宣言,謙謙表示是出自楊怡姐姐楊卓娜的主意,問到宣言的內容,他透露少少:「做人老公當然要錫老婆,冇可能一直好恩愛,感情會有高潮低潮,但如果嘈交我一定會就晒佢!」身旁的阿怡聞言即Sweet爆說:「講到好似已經激嬲我咁!」

楊怡:佢哋對我嘅愛在心中

謙謙工作忙碌,問到是否沒時間度蜜月?謙謙說:「月中要返內地工作,時間會有,睇吓夠唔夠啫!(幾時補番?)要下年啦,未定去邊,邊度安全去邊度」講到全身的金器,阿怡笑言:「因為屋企人錫啫,奶奶、老爺、馬浚偉都有,大家好錫我,多與少唔太着意,係心意嘅問題,由家人親手為你戴上。」講到家姐送上手工城堡,阿怡即時眼濕濕,喊住表示:「我事前唔知架,睇報道先知,好靚,家姐由細到大手工好叻,連接花車嘅車頭公仔要親手整,真係唔識講,佢哋對我嘅愛在心中,好感動!(今朝都有喊?)媽咪今日為我着裙褂好感動,唔識講!媽咪、家姐錫自己係知道,一切喺心中。」

問今晚準備幾套婚紗?阿怡說:「唔需要換好多衫,想多啲時間同大家傾偈、聚吓,接受大家嘅祝福!準備兩、三套啦,婚紗係設計師搵,都揀咗好耐,一世人一次,想搵特別款,都修改好多次,自己瘦咗,今日都有少少鬆,ok嘅。(前輩送咩大禮?)鄭裕玲、任達華都送咗大份人情,好多都嚟到。(習慣被叫羅太?)習慣中,今日過後應該冇問題!」

婚禮花費七位數

到訪問尾聲,一對新人應要求咀嘴,謙謙笑言要花式咀嘴供大家直播,即極速咀嘴6次,謙謙笑言是「喙木鳥式」,現場再要求情深一吻,一對新人再送上長達13秒情深一吻!咀嘴後,阿怡更貼心為老公抹嘴,笑言「個嘴好油」,現場起哄稱「潤得滯」,認真SWEET爆!問到婚禮花費多少?阿怡表示:「7位數字,因為布置好靚,大家會感受到,係浪漫主題,對應英國嘅婚照!(幾時返男家?)幾時返都得,大家唔使等喇,可能出年,因為真係好忙。」


來源 source: http://hk.on.cc
鍾意就快D Share啦!