入行8年嘅欣宜，噚晚就喺九展Star hall舉行《女神有問題演唱會》，本來頭場就係前晚嘅，不過因為八號風球來襲，所以變咗噚晚先係頭場，作為爸爸嘅鄭少秋都有嚟到支持阿女，不過就好低調，一個人坐喺觀眾席。欣宜一向喺圈中都好好人緣，所以嚟支持嘅人都好多，似有白雪仙，許靖韻、周美欣、陳鍵鋒、徐子珊、許廷鏗、胡鴻鈞、關心妍加老公、鍾舒漫、鍾舒祺、李琳琳、姜大衛、蕭定一一家、黃偉文同Babyjohn等等。喺演唱會中，欣宜除咗唱自己嘅歌之外，仲唱好多別人的歌，包括許廷鏗、陳奕迅、容祖兒、鄭秀文等等，就連櫻桃小丸子主題曲《問題天天多》都有唱。演唱會8點開始，一出場，欣宜揀咗件黑色低胸裝出場，儼如女戰士，高舉繡上Joyce嘅旗幟由台底升上來，第一首歌是《分手是常識吧》，先嚟一輪勁歌熱舞，撻著全場。欣宜另一襲戰衣都係黑色低胸裝，不過是長裙，主力唱慢歌，好似有《無人像我》、《屢屢》、《Born this way》，有歌迷仲向欣宜大嗌:「你好索呀！」快慢都唱齊喇，欣宜正式同觀眾say hi，但一開腔已經忍唔住喊，然後又喊又笑問大家:「知唔知我點解喊呀？因為你哋嘅反應太細喇，我覺得你哋可以再熱烈啲。」全場即報以熱烈掌聲，欣宜再次感動流淚。欣宜喊住話:「多謝你哋嚟睇呢個演唱會，呢兩日我都好擔心，日日都睇住個天文台做人，今日起身最開心，因為見到太陽。」一聽到太陽兩個字大家就明啦，欣宜跟住要唱嘅，就係秋官名曲《太~陽~出~來~了~》:「入行8年喇，終於有自己嘅處女騷，我o依家個人好亂，諗到講嘅嘢已經忘記咗。
|
鍾意就快D Share啦！
|
|
|
