「打波先嚟落雨，唔同連個天都唔鍾意我？」落雨踢波悟出人生大道理的公益廣告播放多年，陪伴不少港人成長，廣告中的「四眼仔」同樣早已長大成人。有網民在facebook爆料，指如今的「四眼仔」已變身成為「肌肉人」，有網民感嘆他的確演活「生命滿希望，前路由我創」，形容現實中的「四眼仔」故事比廣告更加勵志。facebook專頁「畢打街日報Pedder News」貼出一張據稱是廣告中「四眼仔」的近照，相中名叫Eric的男子雖然樣貌仍一面稚氣，但身材卻「fit到漏」，不僅「手瓜起輾」，大腿肌肉亦相當結實。可能是相片角度影響，Eric的臉部輪廓的確和昔日廣告中的「四眼仔」有幾分相似。據悉Eric是一名健身教練，更曾在健美比賽中勝出。《蘋果》記者嘗試聯絡他求證是否「四眼仔」本人，但他婉拒受訪，並指事件對他和家人都造成影響，希望事情能告一段落，「無論廣告主角係邊個，我相信冇人會鍾意咁樣。」不過，一眾網民就深信「四眼仔」已茁壯成長，「果然希望在明天」，更有人自行幻想出廣告的後續：「就係因為當年一場雨，落雨打波唔高興。最後入室內做gym，改變了佢一生。」但亦有人稱不能接受「大雄變技安」的現實，直指感到「童年崩壞」。一名自稱有份參與該廣告拍攝的網民就「指控」四眼仔其實是「NG王」，「Ng咗唔知幾多次，我哋係咁畀人造雨車淋」，他稱結果有3人因此發燒3日。他又透露，廣告其實是在高山劇場拍攝，「佢哋開頭坐喺度個幕，我哋喺後面淋緊雨，但影唔到我哋囉。」【網民咁講】
Tony Chan：筋肉滿希望，前路由我創！
Shinji Lai：靠落住雨打波而磨練出來嘅鋼鐵之軀。
Fatonia Wong：大雄操到變技安
Fanny Li：可唔可以搵返「聽日一定會好天嘅！」嗰光頭仔？
Billy Tidus：真係希望在明天
Damon Ng：佢依家無野好怕
Thomas Li：就係因為當年一場雨，落雨打波唔高興，最後入室內做gym，改變了佢一生。
Nicole Leung：呢個故事好勵志，勵志過佢拍嗰個廣告！
Cheryl Chan：童年回憶破壞咗。
|
鍾意就快D Share啦！
|
|
|
