尋日註冊結婚嘅熊黛林，今日容光煥發咁以紅色貼身裙現身公開活動。左手戴有婚戒嘅熊黛林，獲司儀用郭太稱呼。熊黛林表示出席活動很開心，又謂自己有少少緊張：「啱上海拍戲返香港。」她又謂自己鍾意遊車河及鍾意大車，問她是否經常坐人哋車時，她笑謂：「我唔識路，坐老公揸嘅車可以去多啲地方。」
爆老公詐型
之後，熊黛林接受半百傳媒訪問，她直認手上婚戒很簡單，並謂是與老公一齊揀。問到昨日註冊是否有特別意思，她謂：「冇，因為好忙，啱啱拍完戲返嚟，婚期一直延遲。前日老公突然話不如昨日註冊，睇咗係吉日，所以冇再等，因為唔知幾時再得閒。（老公等唔切好心急？）佢都急咗一輪。原本九月結，但我拍戲走咗兩個月。（雙方家長有冇喺現場？）都唔喺度，我媽咪趕唔切，得KIM一個做證婚人。（擺酒？）家姐郭可盈講咗唔會大搞，會好簡單，兩家人食餐飯。（點解唔大搞？）因為趕住生BB。（有咗？）未有住。（連百日宴一齊搞？）希望有咁好運」
聞不設房尷尷尬尬
問到她是否不設防時，她又尷尷尬尬謂：「未慣，但準備好，其實之前驚要拍戲，唔敢有B，依家可以準備喇。（老公關係唔畀性感？）睇情況，少少性感有時都OK，最緊要係靚，不過有時佢都會出聲，話咁性感，Deep V少少都會話，不過最後都會話最緊要靚。（唔拍親熱戲？）睇吓係咪有需要，同埋如果角色好會考慮，唔會以呢個為前提。（避得就避？）都係。（問過老公先？）唔會問佢，問就好尷尬，而且工作佢會理解。（會唔會減少工作？）其實佢係最支持我做嘢，因為之前要拍戲延遲結婚我都有諗過唔拍，佢話我好好彩有咁多工作，要把握！結咗婚我都一樣有工作就做，唔使減少，如果有BB，就會為身體而減少。」
「避唔到咁多」
談到郭可頌被指有百億身家，熊黛林即撒嬌謂：「寫得太跨張（過千萬樓做聘禮？）有大家個名，物質上唔係最重要，佢會計劃我哋嘅將來。（城城26號生日，同你註冊日子好近喎？）如果當日唔係有記者同我講，我都忘記咗，過咗咁耐，都過咗去（怕畀人話示威？）如果諗咁多，咁我要再申請過（結婚日子），咁又要再犧牲一次（機會），等多幾個月。避唔到咁多，最緊要開心就得。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
