22:36更新
【12碼唔入】64分鐘，曼城費蘭甸奴侵犯迪利阿里被判極刑，惜拉美拿主射被撲出，未能增添紀錄。
22:22更新
【中柱】50分鐘，曼城前鋒阿古路突破越位，左路禁區起腳，被熱刺門將撲到再中柱，未能追近比數。
22:03更新
【半場總結】英超榜首大戰，「2哥」熱刺主場迎戰頭6場聯賽全勝嘅「1哥」曼城，開波僅9分鐘熱刺左閘丹尼路斯左路傳中，曼城守將高拉洛夫冇人逼之下竟撻Q擺烏龍，去到37分鐘孫興民再妙傳迪利阿里射成2:0。
21:51更新
【入波】37分鐘，熱刺迪利阿里接應孫興民，第一時起腳入波，熱刺領先到2:0。
21:25更新
【入波】9分鐘，熱刺左閘丹尼路斯傳中，冇人頂到個波，但遠柱嘅曼城守將高拉洛夫卻撻Q擺烏龍，熱刺領先1:0。
21:15更新
【開波】英超榜首大戰KICK OFF！開波20秒，孫興民就起腳，差啲入波！～
20:48更新
【全場完】英超頭場曼聯主場對住包尾大幡史篤城，隊長朗尼下半場後備入替以為又做福星，「助攻」畀安東尼馬迪爾先入波，點知門神迪基亞接波甩手，被史篤城中場祖阿倫補射得手，最終打成1:1，令紅魔連盃賽在內3連勝終告斷纜。
詳情請睇--->http://bit.ly/2dByncI
20:38更新
【入波】82分鐘，迪基亞接遠射甩手，約拿芬禾達斯補射中柱，祖阿倫加多腳入波，為史篤城追和1比1。
20:30更新
【有陣】熱刺主場對曼城有陣！孫興民代替雲遜贊臣打單箭頭，曼城則強陣出擊，阿古路、大衞施華、史達寧出齊。
http://bit.ly/2dk0JKW
20:24更新
【入波】69分鐘，朗尼腳下皮球被拍甩，點知彈去安東里馬迪爾腳下，第一時間射遠柱入網，為曼聯領先1比0。
20:21更新
【朗尼換入】66分鐘，曼聯靴里拉割草式射波柱邊出界。朗尼換入，馬達被換出。
20:12更新
57分鐘，史篤城中場梳頓沙基利妙傳祖阿倫快射，被迪基亞接實。
20:02更新
47分鐘，史篤城中堅馬田斯恩迪接應罰球衝頂，被迪基亞托出，但個波越位在先，入咗都唔算。
19:47更新
【半場總結】
英超頭場曼聯主場對住包尾大幡史篤城，隊長朗尼連續3仗做後備，但冇乜影響，一開波保羅普巴即妙傳伊巴謙莫域突破越位，同史篤城門將李爾格蘭單對單，竟然被對手救出，補射再被封出。跟住兩軍你一拳我一腳，15分鐘史篤城右路發難，謝夫甘馬倫禁區內起腳被迪基亞接實，轉頭曼聯即以幾個超靚第一腳轉送配合，可惜普巴竟然於禁區內射斜，其後桑馬達笠射及連格入楔篤射，又過唔到李爾格蘭十指關，上半場打成0:0。
19:15更新
15分鐘，史篤城右路發難，謝夫甘馬倫禁區內起腳，但被迪基亞接實。轉頭曼聯反擊，幾個超靚第一腳轉送後，保羅普巴竟然禁區內直接射出界。
19:01更新
1分鐘，伊巴謙莫域禁區內突破越位，同門將單對單，竟然被對手救出，補射再救出。
18:00更新
【有陣】今晚英超頭場由曼聯主場出戰包尾嘅史篤城，紅魔隊長「月巴」朗尼之前2仗被貶為後備，雖然上仗歐霸對索爾亞，佢後備入替撻Q變助攻畀伊巴謙莫域攻入致勝球，但今仗照樣冇正選，反而近期頻頻擔正嘅「福仔」拉舒福特及連格，今仗繼續拍住伊巴謙莫域攻堅，對住近況曳爆嘅史篤城，睇吓佢哋能否締造4連勝。
曼聯正選陣容
門將：1迪基亞
後衞：25路爾斯華倫西亞、3艾歷拜利、12基斯史摩寧、17戴利白蘭特
防中：21安達靴里拉、6保羅普巴
中場：14連格、8桑馬達、19拉舒福特
前鋒：9伊巴謙莫域
史篤城正選陣容
門將：33李爾格蘭
後衛：8格連莊臣、17梳爾哥斯、15馬田斯恩迪、3派達斯
中場：20 謝夫甘馬倫、6格連韋倫、4祖阿倫
前鋒：22梳頓沙基利、12韋菲特邦尼、10阿拿奧杜域
今日Super Sunday曼市雙雄出擊，紅魔鬼主場出擊對尾二嘅史篤城，曼城作客「二哥」熱刺爆發榜首大戰。
紅魔鬼最近喺歐霸盃、聯賽同英聯盃三條戰線同時出擊，仲拎到3連勝，「月巴」朗尼撻Q變助攻夠晒運，喺奧脫福照照計唔會失威，狂攻攞彩。曼城喺英超保持100%勝率，但攻得勁時後面又失得多，對熱刺肯定多波入。
SO東波同你追實體壇每個精彩時刻！
http://on.fb.me/1PWMCFH
|
鍾意就快D Share啦！
|
|
|
