掃呢頁CODE去手機

2016年10月2日 星期日

【哪一天我們會分手】游學修貼相暗示分手 蘇麗珊:o依家係處於冷靜期 __,蘇麗珊,游學修,

【短片】【哪一天我們會分手】游學修貼相暗示分手蘇麗珊:o依家係處於冷靜期2016-10-0123:20:00HKT游學修喺拍《哪一天我們會飛》嘅時候,就成功追到女神蘇麗珊,兩個拍拖十個月,不時都會喺IG晒恩愛,睇落去真係好鬼sweet,又成日一齊去旅行,喺IG仲成日都晒恩愛,遊學修仲試過話:「有個女神級女友就是,你要不停做StandIn試機位。」但點諗到,呢對金童玉女,都會有疑似分手嘅一日呢,是咁 ...


【短片】【哪一天我們會分手】游學修貼相暗示分手 蘇麗珊:o依家係處於冷靜期

2016-10-01 23:20:00 HKT



游學修喺拍《哪一天我們會飛》嘅時候,就成功追到女神蘇麗珊,兩個拍拖十個月,不時都會喺IG晒恩愛,睇落去真係好鬼sweet,又成日一齊去旅行,喺IG仲成日都晒恩愛,遊學修仲試過話:「有個女神級女友就是,你要不停做Stand In試機位。」

但點諗到,呢對金童玉女,都會有疑似分手嘅一日呢,是咁的,日前游學修就喺IG貼一張全黑嘅相,仲留言話:「我們分開了,不用擔心,我會好起來!」過咗一陣,又貼咗幾隻字出嚟,話「佢」係呢一生遇到最好的事咁,睇落真係好似一個分手嘅人會講嘅嘢,但係呢兩張相,過一就刪咗喇,喺IG上就再冇見過呢兩張相。

男方就講咁嘅嘢,咁女方又點呢?蘇麗珊嘅IG同facebook都冇任何表示,但係早前就被《蘋果》影到佢同「A貨吳肇軒」顧定軒,一齊喺IFC現身,行為仲相當親密。

《蘋果》都有問過游學修呢件事係,佢就以話回覆話:「呢個唔方便交待住,我遲答你,你會知道幾時再搵我。」問到係咪真係分手,佢就話:「我唔答呢啲嘢住。」

而今日蘇麗珊透過電影公司回應分手事件,回覆話:「我哋o依家係處於冷靜期,繼續努力工作,多謝關心!」感情真係出現問題。


鍾意就快D Share啦!