網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月22日 星期六

順Phone速遞1:朝偉代言 小米Note 2下周二發布 __,小米,梁朝偉,朝偉,

朝偉代言 小米Note2下周二發布小米手機在香港愈來愈多人用,無他,平靚正是也,所以每逢有新消息公布,米粉關注度都唔會比果迷對iPhone少。若果閣下係忠實米粉,就要Mark底10月25日下星期二這大日子,事關廠商將發布新機王小米Note2。據外界估計,此機將首度採用LG開發的5.7吋柔性雙曲面屏幕,比LG自家手機更早,並搭載Snapdragon821、4GB/6GBRAM、64GB/128GBR ...


朝偉代言 小米Note 2下周二發布

小米手機在香港愈來愈多人用,無他,平靚正是也,所以每逢有新消息公布,米粉關注度都唔會比果迷對iPhone少。若果閣下係忠實米粉,就要Mark底10月25日下星期二這大日子,事關廠商將發布新機王小米Note 2。據外界估計,此機將首度採用LG開發的5.7吋柔性雙曲面屏幕,比LG自家手機更早,並搭載Snapdragon 821、4GB/6GB RAM、64GB/128GB ROM、3D Touch壓感屏幕、波指紋識及雙鏡頭等強勁規格;而最最最重要是今次請得男神梁朝偉做代言人,佢老哥屆時更會親臨北京發布會現場,根據北方睇Show傳統,唔難相信到時有人感動到喊呢!

唔怕刮花!MONOCOZZI Lucid保護殼系列

眾所周知,iPhone 7/7 Plus容易刮花,當中又以亮黑色最為嚴重,所以買機後唔戴套唔得!配件品牌MONOCOZZI最近就推出兩款專用機套,一款是Lucid Slim,賣點係只有0.35mm厚,使用後仍能體驗iPhone 7的纖薄手感,並選用了Polypropylene聚丙烯打造,柔韌而不易破損。另一款則是Lucid系列,厚番少少,但就改用抗衝擊性及減震能力更高的TPU物料打造,專為「錫機」人士而設。Lucid Slim提供灰、白兩色,建議零售價為HK$119(iPhone 7)及HK$129(iPhone 7 Plus),而Lucid系列則有黑、紅、白、藍四色選擇,建議零售價為HK$139(iPhone 7)及HK$149(iPhone 7 Plus)。

邁進4.5G 3香港推上台優惠

香港人上網慢啲都鬧,手機網絡自然愈快愈好,所以繼中國移動香港後,3香港亦終於推出4.5G服務,透過融合FDD及TDD兩大頻段,把連接基站的光纖頻寛提升至1G,現有3香港的4G客戶只要擁有一部支援FDD+TDD載波聚合的手機,例如如Galaxy S7 edge、HTC 10、LG V20即可免費升級至4.5G,上網快人一等!而為配合新服務推出,3香港宣布即日至12月31日前,新客戶上台選用指定4G LTE SIM月費計劃,合約期內即可獲兩期月費回贈或每月享額外2GB數據,帶Number轉台更可享每月1GB額外數據。優惠聽落唔錯,又引唔引你轉會呢?

國產鉅製!VPhone S8全球最細

國產手機一向估你唔到,最近有品牌再獻新猷,這部VPhone S8號稱是全球最細手機,屏幕只有1.54吋,機身積只有46.7 x 37.3 x 9.9mm,重30g,跟一般智能手錶錶殻差唔多Size,超輕便。咪睇佢咁細,功能絕唔惹少,除本身可插SIM卡打出打入,還支援短訊收發、計步器、卡路里計算、心率偵測、FM收音機及播放音樂,並內置64MB RAM、128MB ROM及microSD卡槽,分唇勁過好多入門手機。唯一問題係電量得380mAh,睇怕又要日日叉。售價和推出日期待定,估計只會在中國地區推出,香港人想買惟有捕水貨

繼續爆笑!Galaxy C9「師奶」專用

Samsung今年手機型號創意十足,有時不禁懷疑命名者是香港人,繼爆到要全球回收、聽落似足粗口諧音的Note 7後,早前內地更推出Galaxy On7,講出嚟又帶給香港人無限歡樂。估唔到廠商未玩夠,據知將在今天稍後時間在內地發表全新手機Galaxy C9,學Ben Sir話齋,咬音準啲係「C9」唔係「師奶」!規格方面,它配備了6吋1,080p屏幕、Snapdragon 652八核心處理器、6GB RAM、64GB ROM、1,600萬像素前後置鏡頭及4,000mAh電池,睇落一啲都唔弱,啱晒師煲劇自拍用!特別一提,講到型號,早前印度曾推出Galaxy On8,原估計後繼機應該升級做「9」啩!點知印度三叔在官方Twitter表明新型號叫「Galaxy On Nxt」,大家無得笑,好唔開心囉!


來源 source: http://hk.on.cc
鍾意就快D Share啦!