掃呢頁CODE去手機

2016年10月4日 星期二

【錢就事小】大台內鬼偷「肥田」手機 黃浩夫婦兩年五度報警 __,大台,手機平板,手機,黃浩,TVB,

【短片】【錢就事小】大台內鬼偷「肥田」手機黃浩夫婦兩年五度報警2016-10-0400:01:00HKT胡杏兒06年喺尖沙嘴拍《肥田囍事》外景,唔見咗電話。周家怡喺大台化妝間唔見手袋。黃浩徐淑敏兩公婆10年起五度報警出入差館,認真當黑。陳曉東當年勁紅,紅到俾人偷資料製假卡碌咗10萬。陳冠希(Edison)唔見咗本passport,噚日去警署備案,呢啲叫做小心駛得萬年船(香港政府一站通話向入境處報告 ...


【短片】【錢就事小】大台內鬼偷「肥田」手機 黃浩夫婦兩年五度報警

2016-10-04 00:01:00 HKT





胡杏兒06年喺尖沙嘴拍《肥田囍事》外景,唔見咗電話。





周家怡喺大台化妝間唔見手袋。



黃浩徐淑敏兩公婆10年起五度報警出入差館,認真當黑。





陳曉東當年勁紅,紅到俾人偷資料製假卡碌咗10萬。



陳冠希(Edison)唔見咗本passport,噚日去警署備案,呢啲叫做小心駛得萬年船(香港政府一站通話向入境處報告就可以補領番)。都係個句,藝人都係人,遇到危險或者徬徨無助嘅時候,都需要向警方求助:

胡杏兒:06年拍緊話題之作《肥田囍事》嘅杏兒,喺一次尖沙嘴拍外景嘅時候,就俾人偷咗部價值5,000蚊嘅手機,仲懷疑係內部人所為。雖然5,000蚊對佢嚟講唔算得啲乜,不過就冇晒啲資料,仲要擔心外洩 其他藝人嘅聯絡電話,要即晚報警。

周家怡:周家怡同杏兒一樣,又係幫大台拍節目出事。11年佢拍完遊戲節目,發現放咗喺化妝間嘅手袋唔見咗,除咗破財,最慘嘅係裏面啲證件都俾人偷走埋。

黃浩、徐淑敏(Suki):早幾年黃浩夫婦頭頭碰着黑,兩年內五度出入差館,包括Suki嘅網上美容店交貨後,發現貨品下落不明;黃浩稱收到電話恐嚇,要佢唔再講藝人涉毒;之後黃浩又喺鄭嘉雯婚宴上被人掌摑等等,認真當黑。

陳曉東:十幾年前網絡保安未完善,成日有人被盜取資料製造假卡而遲遲未發覺。陳曉東02年就試過喺美國登台,俾人用假卡喺內地碌咗過10萬嘅卡數,好彩銀行發現消費模式同平時唔同,及早提知陳曉東先揭發件事。


鍾意就快D Share啦!