大劉劉鑾雄每逢喺重要事件上，如今次高調宣佈同呂麗君分手，都鍾意喺報紙上刊登頭版廣告，如92年，盛傳大劉追求李嘉欣，喺報紙落咗兩則廣告示愛，到01年12月，有指大劉連續3日，喺報章匿名刊登示愛廣告，上款係「老婆仔」，「多如的靚妹仔」、「揼骨妹」，下款係「Joe糞」「以前重176磅的肥仔Joe」等，有指當時佢係向當年女友王穎妤示愛，灑金錢之餘，亦盡顯心思。到06年6月20日，大劉再豪氣喺兩份報章一擲20幾萬刊登全版廣告，內容係恭賀Michele 6月20日生日快樂，下款則自稱The One，當時外界一致推斷係大劉為李嘉欣祝壽。而李嘉欣事後亦高姿態狂讚大劉好浪漫，令佢好感動。當時李嘉欣回應話：「我打俾劉生(劉鑾雄)問係咪佢(落廣告)，劉生同我講『希望只有兩個人知道就可以喇，一個就係你，同埋我囉！」
來源 source: http://s.nextmedia.com
|
鍾意就快D Share啦！
|
|
|