【獨家】帶馬家3千金睇燈飾 45歲黎姿索爆現身海港城 __,黎姿,

現年45歲嘅黎姿，08年嫁俾商人馬廷強後努力造人，婚後育有3女，3位千金盡得母親標緻五官，其中孖女馬家蔚（Pricia）同馬家鎂（Gianna）眨眼已經6歲，今年就讀小學一年班。至於4歲孻女Pegella，o依家讀緊幼稚園。囡囡黐身扭抱日子過去咗，四圍撲幼稚園、小學嘅忙碌生涯亦捱過埋，人母黎姿終於可以鬆一口氣。雖然仲有1個月先到聖誕，不過唔少商場已經佈置燈飾擺設，處處洋溢節日氣氛，趁學校未到考試季 ...

其他影片：>>

現年45歲嘅黎姿，08年嫁俾商人馬廷強後努力造人，婚後育有3女，3位千金盡得母親標緻五官，其中孖女馬家蔚（Pricia）同馬家鎂（Gianna）眨眼已經6歲，今年就讀小學一年班。至於4歲孻女Pegella，o依家讀緊幼稚園。囡囡黐身扭抱日子過去咗，四圍撲幼稚園、小學嘅忙碌生涯亦捱過埋，人母黎姿終於可以鬆一口氣。雖然仲有1個月先到聖誕，不過唔少商場已經佈置燈飾擺設，處處洋溢節日氣氛，趁學校未到考試季節，周六(26日)有《蘋果》讀者冼小姐透過「爆相爆片」，就見到黎姿帶住3位囡囡，去人多遊客多嘅尖沙嘴海港城睇聖誕燈飾。當日薄施脂粉嘅黎姿，甚至連藝人孖寶--黑超同口罩都冇戴喺身。據冼小姐表示，黎姿3個囡囡當日着埋同款黑色皮褸加legging，扮相有型又可愛。而黎姿就邊拎着電話、邊叫孖女Pricia同Gianna行埋去聖誕燈飾前影相，孖女亦乖乖坐定定攞甫士等媽咪影相，反而細女就要媽咪o氹幾o氹，先肯埋位。雖然黎姿息影多時，但風采氣質更勝當年，吸引唔少遊人行埋去同佢合照，而黎姿亦笑笑口同佢哋影相，一啲架子都冇！

	黎姿一聲令下，孖女即坐定定就位。(相片由讀者冼小姐提供)	反而細女就扭計要黎姿o氹。(相片由讀者冼小姐提供)
黎姿最後抱起細女Pegella埋位影相。(相片由讀者冼小姐提供)	孖女就乖乖聽話一人坐一邊等影相。(相片由讀者冼小姐提供)	隨咗同囡囡影合照，黎姿當日仲拗晒腰，做埋攝影師幫3位千金影相。(相片由讀者冼小姐提供)
當日係星期六，平時已經有唔少遊客嘅尖沙咀，就更加多人，不過黎姿依然無懼人迫迫，即使中途落雨，依然擔住遮繼續影，仲同途人影合照，極之親民。(相片由讀者冼小姐提供)	黎姿同馬廷強結婚後，退出演藝圈做全職媽咪。

來源 source: http://s.nextmedia.com

鍾意就快D Share啦！

下一篇 》