陳曼娜上周榮升外母，寶貝女Joie同上市公司董事及投資公司總裁蔡朝旭（Dicky）結婚，點知噚日被內地傳媒全明星探爆Dicky喺婚前有一位內地大學生女友，婚後兩日影到佢哋喺中環前往銀行，其間大陸女仔仲爆喊疑似攤牌，有傳女方手上握有兩人嘅情慾相！（新聞連結： http://bit.ly/2gnKgEz ）曼娜姐噚晚接受《蘋果》訪問，佢話對女婿101分信任，會了解件事後再回應；今日《蘋果》再致電曼娜姐了解，佢表示：「我唔知佢有乜嘢再搞呢，你知大陸女人，但我哋一定會發聲明，畀人知道成件事情嘅因由。人哋都唔知道來龍去脈，只係睇到一面倒，我哋會發聲明畀大家睇證據。」問到女兒嘅心情有冇受影響？曼娜姐話：「佢冇嘢，佢係一個好內向女仔，係醫生，專業人士，好明白事理。同老公拍拖兩三年，佢好知道老公嘅為人，佢好平靜冇事，反而我覺得好忿忿不平感覺，呢啲大陸女人咁搞法！」今日曼娜姐女兒如常返診所，又表示早知女方存在，只是不認識她，對此曼娜姐表示：「佢好攰呀，但因為佢專業，佢真係冇嘢，係明白事理嘅人。其實佢哋識嘅時候，佢（女婿）已經同嗰個女仔分開咗，佢（女婿）乜都講畀佢（女兒）聽，所以好平靜，佢好明白呢個男人嘅性格。」
來源 source: http://s.nextmedia.com
|
鍾意就快D Share啦！
|
|
|