人生，基本上沒有一路順風，而你亦永遠不知道下一步該怎樣走。正如一代冷面笑匠許冠文（Michael），首次拍攝台灣電影《一路順風》扮演的士司機，便獲得台灣金馬獎最佳男主角提名，也是繼1978年憑《賣身契》爭金馬最佳導演後，再次獲得金馬提名。現年74歲的Michael，自有他的生活哲學，榮辱得失早就看淡，今後只想拍更多好電影和搞棟篤笑，將更多歡樂帶給大家。記者：何永寧、馮國康、黃芷蔚 攝影：馮峰、Ne ...
人生，基本上沒有一路順風，而你亦永遠不知道下一步該怎樣走。正如一代冷面笑匠許冠文（Michael），首次拍攝台灣電影《一路順風》扮演的士司機，便獲得台灣金馬獎最佳男主角提名，也是繼1978年憑《賣身契》爭金馬最佳導演後，再次獲得金馬提名。現年74歲的Michael，自有他的生活哲學，榮辱得失早就看淡，今後只想拍更多好電影和搞棟篤笑，將更多歡樂帶給大家。記者：何永寧、馮國康、黃芷蔚 攝影：馮峰、Neo今年台灣金馬獎埋藏着一個勵志故事，許冠文終憑《一路順風》獲最佳男主角提名，明明他的獨特搞笑演繹方式，早已自成一格，他的一舉一動，亦被後輩爭相仿傚。對於這個遲來的金馬提名，Michael看得很化，並發揮其冷面笑匠本色回應：「如果許冠文等38年都卒之等到個獎，只要你努力都一定得，所以做呢行唔使灰心！」有趣的是，Michael這次改變了其signature演繹方式，扮演一個由香港移居台灣二十年的的士司機，跟以往電影如《鬼馬雙星》、《摩登保鑣》有很大分別。「或者香港觀眾見到呢套片會有少少震驚，你會話許冠文唔係幾似以前咁，真到好似一套紀錄片咁。」首次到台灣拍戲，Michael認為模式基本上跟香港沒多大分別，但因為這次要到僻遠的台南拍攝，情況比想像中辛苦。他說：「過程辛苦在去親都係最落後嘅地方，泥氹呀、爛路呀，小農村蚊又多又冇飯食，咁樣拍三個禮拜都幾係嘢！」又語帶少許諷刺的說：「拍《澳門風雲》梗係好啦，咁咪喺MGM住三個禮拜囉！」除了周車勞頓，語言也是一大障礙，令Michael起初吃盡苦頭：「原本角色係應該講唔正國語嘅，但佢嚟咗台灣二十年，有啲台灣的士佬名詞無理由唔識，咁一定要跟足去講，唔能夠講陣間我上『高速公路』，要講『交流道』，大佬咩叫交流道呀？於是乎第一日真係拍咗100個take。」Michael也有體驗台灣的士司機的生活，發覺跟香港的士文化有很大差別：「台灣的士真係冇得頂，全街都係，又唔貴，又極其有禮貌，你知我哋香港啲的士大哥多數都唔啋你，你畀貼士佢連多謝都廢事講。香港又真係比較慘啲，啲嘢咁貴，大部分（利益）都畀地產攞晒，呢個係真嘅。」談到未來計劃，Michael希望明年可以自編自導自演一齣電影：「呢套片將會係好以前我嗰種風格，材料就新，但風格盡量減低對白，盡量啲嘢全世界都睇得明嘅。」他表示希望盡量全部用香港人，尤其希望提攜更多新人，Michael笑說：「大陸暫時好鍾意拍啲所謂嘅大明星啦，新人機會少。我覺得自己大膽啲，仲平啲添」
